U Babrujsku padpalili milicejskuju aporku. Padazravanaha zatrymali

Zatrymali padazravanaha ŭ padpale hramadskaha punkta achovy pravaparadku ŭ Babrujsku, paviedamlaje MUS.

Zdareńnie adbyłosia kala paŭnočy 28 vieraśnia. Nieviadomyja padpalili «aporku» Leninskaha RAUS pa vulicy Kujbyšava. Pa źviestkach MNS, ahniom byli paškodžanyja ŭvachodnyja dźviery, unutranaje azdableńnie i majomaść.

Babrujskija syščyki vyśvietlili, što da padpału datyčny 42-hadovy biespracoŭny haradžanin, jaki paśla ździajśnieńnia złačynstva źjechaŭ u Rasiju. Na dniach mužčyna viarnuŭsia, jaho adrazu ž zatrymali.

Śledčyja pryznali zatrymanaha padazravanym pa kryminalnaj spravie i adpravili ŭ izalatar.

NN.by

Chočaš padzialicca važnaj infarmacyjaj
ananimna i kanfidencyjna? Pišycie redaktaru
«Našaj Nivy» ŭ TH

0

0

0

0

0

0