Łukašenka źjaviŭsia paśla trochdzionnaj adsutnaści, zahavaryŭ pra biaśpieku vybarkamaŭ. Hołas u jaho nie zvyčajny VIDEA
Fota: BiełTA
Łukašenka daručyŭ kiraŭniku svajho pieradvybarčaha štaba Natalli Kačanavaj i kiraŭniku spraŭ prezidenta Viktaru Šejmanu harantavać biaśpieku pracy vybarkamaŭ, pišuć dziaržaŭnyja ŚMI.
Voś videa, raspaŭsiudžanaje pres-słužbaj prezidenta. Źviartaje ŭvahu niezvyčajnaść hołasu Alaksandra Łukašenki:
«Tamu što mnie ŭsio čaściej i čaściej pastupaje infarmacyja ab tym, što nie ŭsiudy ŭ nas spakojna chočuć pravieści prezidenckija vybary, — skazaŭ Łukašenka. — A harantavać biaśpieku na kožnym učastku — naš śviaty abaviazak. Vy bačycie, što robicca vakoł. Niachaj pakryčać, pašumiać. Praźmiernaściaŭ być nie pavinna. Nie pavinna być tak, što jany nas pačnuć krytykavać za toje, što my vykarystoŭvajem momant, kab dzieści kahości abmiežavać. Jość zakon, zhodna z zakonam pavinna iści pieradvybarnaja ahitacyja i praca ŭsia».
