70 tysiač čałaviek vyjšli na mitynh u padtrymku Cichanoŭskaj u Minsku
Fota Źmitra Karpava
Pravaabaroncy ličyli ŭdzielnikaŭ pa hałavach. Z 17:30 da 20:30 na mitynh u park Družby Narodaŭ praz turnikiety pryjšło nie mienš za 63 000 čałaviek. Jašče niekalki tysiač słuchali pramovy z-za aharodžy. Heta ŭdvaja bolš, čym sabrałasia na Płoščy ŭ 2010 hodzie. Heta robić mitynh 30 lipienia najbolšym u Biełarusi ad 1991 hoda.
Pikavaja kolkaść udzielnikaŭ była padčas vystupleńnia Śviatłany Cichanoŭskaj.
Cichanoŭskaja nabrałasia dośviedu i pieratvaryłasia ŭ sapraŭdnaha jaskravaha trybuna. Mitynh zaviaršyŭsia vykanańniem pieśni «Stieny» («Mury»). Pad kaniec ludzi zapalili lichtaryki na telefonach.
Na kancercie, akramia Cichanoŭskaj, Kaleśnikavaj i Capkała, vystupili: žonka źniavolenaha Paŭła Sieviarynca Volha, błohierka-śpiavačka Lera Jaskievič, udzielniki «Jeŭrabačańnia» Litesound, viadučy Artemis Achpaš, jaki syšoŭ ź dziaržaŭnaha telebačańnia,:B:N: — heta kłasika andehraŭndnaha biełaruskamoŭnaha roku.
Padtrymać Cichanoŭskuju pryšli taksama PyLai, Loudscage, Alexander Kiss, Siarhiej Kosmas, Pavieł Kaścievič.
30 lipienia dziaržsakratar Rady biaśpieki Andrej Raŭkoŭ zajaviŭ pra pahrozu pravakacyj z boku rasijskich bajevikoŭ. Cichanoŭskaja ŭ svaju čarhu skazała, što ŭsie zapłanavanyja mierapryjemstvy jaje štaba buduć prachodzić u płanavym režymie. Adnak buduć uzmocnienyja miery biaśpieki. U pryvatnaści, vakoł zony kancerta stajać ramki ź mietałašukalnikami.
Jak prachodziŭ mitynh-kancert — sačycie ŭ našym anłajnie. Karespandenty «Našaj Nivy» buduć na miescy padziej ad pačatku da kanca.
___________________________
22:31 Dziakuj, što zastavalisia z nami!
22:30
22:28
22:24
22:21
22:20 Aŭtamabilisty vynajšli sihnalny ekvivalent «Žyvie Biełaruś»: dva doŭhija sihnały i try karotkija.
22:19
22:11 Nahadajem, u nastupnyja dni Cichanoŭskaja sa svaim štabam pajedzie ŭ turne pa zachodniaj Biełarusi: Smarhoń, Maładziečna, Lida, Hrodna, Brest, Vaŭkavysk, Słonim, Baranavičy.
22:08 Na Surhanava natoŭpy ludziej, sihnalać mašyny, ludzi stychijna adkazvajuć apładysmientami. Z prylehłych stajanak niemahčyma vyjechać, u mašynach hučyć Coj i «Mury».
22:04 Mitynh skončyŭsia, usie razychodziacca. Ludzi zapalili lichtaryki na telefonach i praśpiavali «Stieny».
22:01
21:54
100 hadoŭ tamu Janka Kupała sfarmulavaŭ našu maru — zvacca narodam, kaža Capkała, a nas da hetaha času naša ŭłada nazyvaje «narodcam».
«Pavažany prezident, my dali vam 26 hadoŭ, kab naš narod žyŭ lepš i bahaciej, ale vy z hetym nie spravilisia. A ciapier my chočam pieramienaŭ!» — skazała Capkała.
21:49
21:21 Kali Cichanoŭskaja skončyła pramovu, niekatoryja ludzi syšli, adnak asnoŭnaja masa ludziej zastałasia na mitynhu.
21:12 Capkała šmat vykazvajecca na siamiejnuju tematyku. Kaža, što ŭłada nie pavažaje ludziej, nazyvaje ich «knyrami, śvinamatkami». Abvinavaciła ŭłady ŭ ckavańni dziaciej. Vieranika Capkała skazała, što ŭłady pačali źbirać u škole infarmacyju pra dziaciej i jaje jak maci.
21:05 Paźniej na arenu vyjšła Vieranika Capkała. Jana pačała vielmi emacyjnuju pramovu pra los jaje maci. Capkała, ledź strymlivajučy ślozy, raskazvała, jak suprać jaje maci, chvoraj na rak, sfalsifikavali spravu. Jana abvinavaciła ŭ hetym kiraŭnictva krainy. Jana raskazała ščymlivuju historyju, jak jaje chvoruju maci paśla chimijaterapii pryviazali da batarei padčas sustrečy z dačkoj.
«My ź siastroj prasili puścić nas da maci, doŭha ŭhavorvali kožny dzień. Ale kali nas puścili — pałova majoj dušy pamierła tam. 20 hadoŭ ja baču pierad saboj hetuju karcinu, jak maja maci lažyć na padłozie, prykavanaja da batarei chvoraj rukoj», — kaža sa ślazami Capkała.
20:44 «Ja mahu ŭsio źmianić!» — zavodzić natoŭp Kaleśnikava.
Kaleśnikava raskazała pra svaje matyvy ŭdziełu ŭ hetaj palityčnaj kampanii.
— Kali Viktar Dźmitryjevič skazaŭ, što choča stać prezidentam, ja zrazumieła, što mienavita pra takoha prezidenta ja maryła ŭsio žyćcio. Ja pamiataju dzień, kali zrazumieła, što kampanija mianiajecca. Vy zakidali nas svaimi łajkami, kamientarami, svajoj biaźmiežnaj luboŭju. My bačyli padtrymku vielizarnaj kolkaści ludziej.
20:41 Pravaabaroncy paviedamlajuć pra 34 tysiačy ŭdzielnikaŭ na 20:30.
20:38
20:36 Dalej słova ŭziała Maryja Kaleśnikava.
«Ščaślivaja być na hetym miescy, ščaślivaja bačyć vas», — kaža jana.
20:34 »Tolki razam my možam pabudavać krainu dla žyćcia», — zaviaršyła pramovu Cichanoŭskaja.
Vidavočna, što Cichanoŭskaja nabrałasia dośviedu i pieratvaryłasia ŭ sapraŭdnaha trybuna.
20:31 Cichanoŭskaja zaklikała ludziej prychodzić na vybary tolki 9 žniŭnia, nie hałasavać daterminova. Jana paabiacała zrabić 3 rečy: 1. vyzvalić palityčnych i ekanamičnych viaźniaŭ; 2. pravieści refierendum pa viartańni Kanstytucyi-1994; 3. pravieści novyja sumlennyja prezidenckija vybary.
20:30
20:28 »Śvieta, Śvieta!» — skandziruje šmattysiačny natoŭp.
20:24 Cichanoŭskaja vykazałasia pra historyju z rasijskimi bajevikami. Jana miarkuje, što ŭłady imknucca pryviazać hetuju historyju na Cichanoŭskich.
«Vy łamajecie los čałavieka, nie adnaho čałavieka, a ŭsich palitźniavolenych i ich siamiej», — kaža Cichanoŭskaja.
Ludzi kryčać: «Svabodu!»
«Z hetymi bajevikami treba raźbiracca asobna. A vybary chaj prachodziać pa zakonie», — kaža Cichanoŭskaja.
— Ja tolki ŭ strašnym śnie mahła ŭjavić, da kaho jany hetych bajevikoŭ mohuć pryviazać. Jany kažuć pra niejkuju revalucyju. Boža moj, jakaja revalucyja? Ludzi, my ž prosta chočam mirnych pieramienaŭ, — skazała kandydat.
— Ja apynułasia ŭ palitycy nie dziela ŭłady, a dziela spraviadlivaści. My abjadnali kamandy dziela ahulnaj mety — budavać novuju Biełaruś. Ale my nie spravimsia biez vas. Prychodźcie na vybary tolki 9 žniŭnia i hałasujcie za mianie, Śviatłanu Cichanoŭskuju.
20:21 Cichanoŭskaja skazała, što idzie ŭ prezidenty dziela svajho muža i biełarusaŭ. Raspaviała, jak paznajomiłasia ź Siarhiejem, kali była studentkaj čaćviortaha kursa.
— Chaču skazać, što moj muž raspluščyŭ ludziam vočy i daŭ nadzieju na pieramieny. Jon užo dva miesiacy ŭ SIZA.
Ludzi skandujuć: «Svabodu!»
20:19 Karespandent NN pieradaje ź miesta, što kolkaść ludziej acanić niemahčyma, takoj kolkaści ŭ Minsku nikoli nie źbirałasia. Ludzi praciahvajuć padychodzić, čerhi stajać na ŭsich prapusknych punktach.
20:14
20:13 Cichanoŭskaja pačała vystupać pa-biełarusku.
20:01 Vystupiła žonka palitviaźnia Maryna Adamovič. Natoŭp vitaje jaje: «Svabodu!» i «Žyvie Biełaruś!». Cichanoŭskaja razam z paplečnicami pakul što staić u zatory.
19:52 Mora ludziej. Zaparkavacca niemahčyma za 2 km, praciahvajucca patoki ludziej.
19:43 Niahledziačy na prablemy ź internetam — trymajcie novuju porcyju fotazdymkaŭ.
19:40 Vystupiła žonka Paŭła Sieviarynca — Volha. Jana zaklikała padtrymać palitviaźniaŭ i napisać im listy.
19:35 Cichanoŭskaja ŭ strymie pa darozie na mitynh pryznałasia, što vielmi chvalujecca. Chvalujecca, kab ničoha kiepskaha nie zdaryłasia siońnia ŭ suviazi z apošnimi zatrymańniami. Jana paviedamiła, što zaŭtra jany adnaŭlajuć pajezdki pa Biełarusi, u płanie jašče 9 haradoŭ.
19:33
19:32 Na scenie vystupiła dziaŭčyna Eduarda Babaryki Alaksandra Źvierava.
— Ja vielmi stamiłasia bajacca, ale ja pierakananaja, što kazać praŭdu treba, — skazała Alaksandra.
19:27
19:22
19:18 Vystupiŭ baćka palitviaźnia Dźmitryja Furmanava, nastupnaja maje być Volha Sieviaryniec.
19:14 Pravaabaroncy naličyli bolš za 25 tysiač udzielnikaŭ na 19:00. Ludzi praciahvajuć padychodzić. Takim čynam, Śviatłana Cichanoŭskaja ŭžo pabiła rekord papiarednich mitynhaŭ.
19:05 Cichanoŭskaja pakul što ŭ mašynie trenirujecca z pramovaj. Prynamsi, častka pramovy budzie pa-biełarusku. U mašynie Cichanoŭskaja razam z kamandaj słuchajuć «Razbury turmy mury».
19:00 Pavodle Tut.by, kala 19-j hadziny na mitynhu sabrałasia 7-10 tysiač čałaviek. Sama Cichanoŭskaja tolki što razdrukavała svaju pramovu.
18:57
18:52 Šmatludnyja patoki praciahvajuć iści na płošču Banhałor, niahledziačy na toje, što mitynh užo pačaŭsia.
18:46 Tym časam pačaŭsia strym na kanale «Kraina dla žyćcia», na jakim možna pabačyć pracu štaba pierad vystupleńniem Cichanoŭskaj.
18:44
18:43 Pierad prysutnymi vystupiŭ dramaturh i scenaryst Andrej Kurejčyk. Jon paraŭnaŭ Cichanoŭskaha z Łansełotam. A Cichanoŭskuju — z druhim rycaram, jaki kinuŭ vyklik cmoku.
18:39 Karespandenty «Našaj Nivy» buduć vychodzić z zony mitynhu, pieradavać infarmacyju i viartacca — vielmi śpiecyfičnaja siońnia forma pracy ŭ suviazi ź pierahruzkaj internetu.
18:33 A šostaj hadzinie pačaŭsia kancert, jak i płanavałasia pa prahramie. Karespandenty «Našaj Nivy» pieradajuć pra šmattysiačnyja čerhi da ŭvachodaŭ na placoŭku z usich bakoŭ. Varta adznačać, što ad kolkaści ludziej na placoŭcy nie pracuje internet, tamu i tekstavaja infarmacyja, i fota buduć dachodzić sa spaźnieńniem. Videastrymy ź miesca padziej pakul što nie pracujuć.
18:26
18:05 Vyłučanaja placoŭka pierad scenaj zapoŭnienaja ludźmi na 70%, haradžanie ŭsio jašče padychodziać. Ale prastora pa-za vyłučanaj placoŭkaj jašče nie zapoŭniena.
18:03
18:01 Karespandentka «Našaj Nivy» sustreła ludziej, u jakich na rynhtonie staić pieśnia «Mury». Pieśnia polskaha barda Jaceka Kačmarskaha časoŭ «Salidarnaści» stała adnym ź simvałaŭ palityčnaha leta-2020 u Biełarusi.
17:57 U najbližejšych vulicach, u rajonie praviadzieńnia mitynhu, pačali ŭźnikać darožnyja zatory.
17:43 Karespandent «Našaj Nivy» paviedamlaje ab prablemach ź internetam u rajonie praviadzieńnia mitynhu.
17:41 Patoki ludziej užo takija vialikija, što jany nie paśpiavajuć prajści piešachodnyja pierachody kala miesca mitynhu na zialonaje śviatło — u pracu ŭklučylisia rehuliroŭščyki.
17:38 Nahadajem, siońnia taksama na BT pakazali debaty niekalkich kandydataŭ u prezidenty. Alaksandr Łukašenka i Śviatłana Cichanoŭskaja admovilisia ŭ ich udzielničać. Adnak paźniej Cichanoŭskaja zapisała videarolik, u jakim paklikała Łukašenku sustrecca na debatach sam-nasam u žyvym efiry.
17:35 Niekalki sotniaŭ čałaviek stajać navat niedachodziačy da Banhałor u rajona Makdonaldsa. Ludzi iduć cełymi kałonami ad mietro.
17:30 Kala sceny arhanizatary zrabili łavački dla piensijanieraŭ, ludziej ź invalidnaściu i ludziej ź dziećmi. Sabralisia ŭžo niekalki socień čałaviek.
17:22 Pieršyja ludzi pačali padychodzić jašče za hadzinu da pačatku mierapryjemstva. La mietro ludzi ŭžo naviazvajuć sabie na ruki biełyja stužki i iduć u bok Banhałor.
