«Nikoli nie stanu kałabarantam i zdradnikam». Kabiakoŭ zajaviŭ, što nie padpisvaŭsia za Babaryku
Kabiakoŭ uznačalvaŭ urad Biełarusi z 27 śniežnia 2014 pa 18 žniŭnia 2018 hoda, fota «Minsk-naviny»
Eks-premjer Biełarusi Andrej Kabiakoŭ u kamientary BiełTA zajaviŭ, što niekatoryja sprabujuć manipulavać jaho imiem na fonie vybarčaj kampanii i zapuścili infarmacyju pra toje, što jon nibyta padpisaŭsia za vyłučeńnie Viktara Babaryki.
«Ja nijakich podpisaŭ u nivodnym padpisnym liście nidzie nie staviŭ. Tamu, kali ja pačuŭ i ŭbačyŭ u telehram-kanałach, što ja tam za adnaho z kandydataŭ prajaviŭ inicyjatyvu i pastaviŭ svoj podpis… u hetym, viadoma, ničoha niezakonnaha niama, ale ja hetaha nie rabiŭ».
Darečy, ni BiełTA, ni Kabiakoŭ abačliva nie nazyvajuć imia Babaryki.
«Nie rabiŭ i chaču skazać bolš taho, što ja aburany tym, što mianie, majo imia vykarystoŭvajuć u jakich-niebudź palityčnych metach. Pryčym, ja tak miarkuju, što heta chutčej za ŭsio robicca naohuł treciaj siłaj, jakaja zacikaŭlena ŭ raschistvańni sacyjalna-palityčnaha stanovišča ŭ krainie», — adznačyŭ Kabiakoŭ.
Andrej Kabiakoŭ padkreśliŭ, što nikoli nie byŭ ni kałabarantam, ni zdradnikam, i nikoli imi nie stanie.
«Kab była zrazumiełaja maja pazicyja z punktu hledžańnia vybarščyka, čałavieka, jaki šmat času prapracavaŭ u dziaržaŭnych strukturach, ja — za sacyjalnuju stabilnaść u krainie i šyrokaje raźvićcio intehracyi Biełarusi i Rasii», — skazaŭ eks-premjer.
