«Adkryvać trunu zabaranili». U Hrodnie pamierła rabotnica «Kolerlita»
Hanna Babylova z Hrodna pracavała majstram źmieny na miascovym pradpryjemstvie «Kolerlit».
«Jana była ŭ adpačynku, paśla vyjšła na pracu, i praz paru dzion padniałasia tempieratura, — raskazaŭ «Našaj Nivie» syn žančyny. — Mama spačatku nie chacieła iści ŭ palikliniku. Ale pajšła, tam joj stavili dyjahnaz «vostraja reśpiratorna-virusnaja infiekcyja».
Paśla žančynie stała horš. 24 maja jaje špitalizavali.
Dyjahnazam pastavili pnieŭmaniju: spačatku adnabakavaja, paśla dvuchbakovaja.
31 maja Hanna Babylova pamierła.
«My prasili, kab dazvolili chacia b adkryć trunu, ale daktary kateharyčna zabaranili. Skazali chavać u zakrytaj trunie, nijakaha adpiavańnia, raźvitańnia», — kaža syn.
Pa jaho słovach, u Hanny Piatroŭny ŭsio žyćcio byli prablemy sa zdaroŭjem. U adnym z balničnych było paznačana, što žančyna mieła išemičnuju chvarobu serca. Ale, kaža syn, daktary ŭ balnicy skazali jamu, što maci pamierła ad pnieŭmanii.
«Testy na karanavirus joj rabili. Pieršy byŭ admoŭnym. Druhi — pakul nie viedajem», — skazaŭ syn.
Pachavali Hannu Babylovu 2 červienia. Joj było 64 hady.
