Zialenski abviaściŭ pra pačatak padrychtoŭki Ukrainy da vychadu z karancinu
president.gov.ua
Prezident Ukrainy Uładzimir Zialenski abviaściŭ, što ŭ krainie ŭ najbližejšyja dni pačniecca padrychtoŭka da źniaćcia abmiežavalnych mier, uviedzienych z-za COVID-19, paviedamlaje Interfaks.
«Biznesu treba padrychtavacca da vychadu z karancinu: zakupić tavar, pravieści dezynfiekcyju, papiaredzić ludziej — my ŭsioj krainaj budziem rychtavacca da hetaha ŭžo na hetym tydni», — zajaviŭ Zialenski na naradzie ŭ paniadziełak.
Z 11 maja adnovicca praca abjektaŭ aptova-roźničnaha handlu niecharčovymi tavarami (akramia handlova-zabaŭlalnych centraŭ), sałonaŭ pryhažości, aŭtasałonaŭ, muziejaŭ, biblijatek i inšych ustanoŭ hramadskaha karystańnia, u jakich buduć dakładnyja praviły vykanańnia sanitarnych normaŭ. Taksama budzie dazvolena praca letnich placovak kafe i restaranaŭ i pasłablenyja abmiežavańni pa naviedvańni parkaŭ, skvieraŭ i zon adpačynku.
Sam karancin, jak skazaŭ premjer-ministr Ukrainy Dzianis Šmyhal, budzie padoŭžany da 22 maja. «Dalej my budziem hladzieć, jak budzie ruchacca pandemija ŭ śviecie, jak buduć adbyvacca vahańni kryvoj zachvorvańnia ŭ nas», — skazaŭ Šmyhal.