Minzdaroŭja ŭ emacyjnaj zajavie patłumačyła, čamu nie patrebny ahulnanacyjanalny karancin, i bičuje panikioraŭ
«U apošni čas u sacyjalnych sietkach i błahaśfiery ŭźnikajuć paničnyja nastroi i krytyka dziejańniaŭ albo, jak mnohija ličać, biaździejańniaŭ Ministerstva achovy zdaroŭja pa šerahu pytańniaŭ, — piša Pres-słužba viedamstva. — U suviazi z hetym Ministerstva achovy zdaroŭja ličyć nieabchodnym zadać našym apanientam nastupnyja pytańni:
1) Jakim čynam zakryćcio miažy RB zdolna harantavana praduchilić zavoz karanavirusnaj infiekcyi ŭ našu krainu?
Kali ni adna dziaržava śvietu, jakaja ŭviała dadzienuju mieru, nie zabaraniła ŭjezd svaim hramadzianam — tamu što heta niemahčyma technična i niapravilna maralna-etyčna. Usie, napeŭna, zabylisia, što ŭ dadzieny momant z 8 zavaznych vypadkaŭ karanavirusnaj infiekcyi ŭ našaj krainie 7 było vyjaŭlena mienavita ŭ biełaruskich hramadzian, jakija viarnulisia na radzimu z-za miažy. Ci my hatovyja admovicca ad našaj moładzi, jakaja vučycca za miažoj i inšych suajčyńnikaŭ i nie ŭpuścić ich dadomu?
Čytajcie taksama:
Čamu ŭ Italii pracent śmiarotnaści taki vysoki?
2) Jaki efiekt čakajecca ad zakryćcia dziciačych sadoŭ i pačatkovaj škoły? Kali ŭžo dobra viadoma, što dzieci chvarejuć značna radziej. A śmiarotnych kancoŭ nie było vyjaŭlena naohuł nivodnaha.
Ale dzieci časta chvarejuć inšymi virusnymi infiekcyjami, uzdym zachvorvańnia jakimi my nazirajem u dadzieny čas. Taksama viadoma, što paśla zakryćcia daškolnych i školnych ustanoŭ małaletnija dzieci, baćki jakich, jak praviła, pracujuć, naŭrad ci buduć adny doma. Chutčej za ŭsio, jany buduć znachodzicca pad nahladam babul i dziadulaŭ, ź jakimi ščodra padzielacca svaimi virusami i mikrobami. A pažyłyja ludzi jakraz-taki i źjaŭlajucca samaj uraźlivaj hrupaj, jakaja maje samuju vysokuju ryzyku raźvićcia ciažkich uskładnieńniaŭ virusnych infiekcyj (hryp, parahryp, adenavirusy, adzior, pnieŭmanii) až da śmiarotnych vynikaŭ.
Stvarajecca ŭražańnie, što prychilniki dadzienych mier chočuć pavialičyć śmiarotnaść u starejšaj uzrostavaj hrupie i pavialičyć nahruzku na sistemu achovy zdaroŭja.
Čytajcie taksama:
Baza adrasoŭ chvorych u publičnym dostupie i tatalny kantrol. Jak Sinhapuru ŭdałosia strymać Covid-19 — raskazvaje biełaruska
3) Chto vieryć, što paśla spynieńnia vočnaha navučańnia va ŭniviersitetach, siarednie-śpiecyjalnych ustanovach, starejšaj škole navučency i studenty buduć znachodzicca doma abo ŭ internacie i buduć pastajanna zajmacca adukacyjnym pracesam?
Kali niechta ŭ heta vieryć — vyvučycie dośvied 2-ch tydniaŭ dystancyjnaha navučańnia studentaŭ BNTU. I, jak pakazvaje hety dośvied, častka ź ich raźjedziecca pa krainie, a asnoŭnaja masa budzie aktyŭna naviedvać miescy ahulnaha karystańnia, tusavacca, ładzić «tematyčnyja viečary» ŭ internatach i ciesna kamunikavać pamiž saboj.
Apytanka
4) Čamu niezaležnyja žurnalisty i ekśpierty, aktyŭna prapahandujučy admienu masavych mierapryjemstvaŭ kolkaściu bolš za 100 čałaviek, źbirajucca na pryjom, arhanizavany adnym z pasolstvaŭ jeŭrapiejskaj krainy ŭ kolkaści bolš za 300 čałaviek?
Paśla čaho aktyŭna patrabujuć analizaŭ i abśledavańniaŭ na karanavirus biez čarhi, pakolki ŭ častki tych, chto sabraŭsia, na nastupny dzień pavysiłasia tempieratura i źjavilisia prykmiety infiekcyi.
Čytajcie taksama: Francyja rekamiendavała nie vykarystoŭvać ibuprafien pry karanavirusie
5) Jakim čynam praviadzieńnie dadatkovych abmiežavalnych mierapryjemstvaŭ prymusić našych ludziej pierastać chavać fakty naviedvańnia epidniedabranadziejnych krain, prachodzić mima arhanizavanych punktaŭ sanepidkantrolu i pierastać chłusić miedycynskim rabotnikam pra abstaviny svajho zachvorvańnia?
6) Što pavinien zrabić Ministerstva achovy zdaroŭja dla taho, kab ludzi stali prajaŭlać adkaznaść za svajo zdaroŭje, pačali vykonvać elemientarnyja normy biaśpieki, rekamiendavanyja ŭsim, chto viartajecca z-za miažy, vykonvać normy asabistaj hihijeny i reśpiratornaha etykietu?
Bo na siońniašni dzień u RB prachodzić lačeńnie niekalkich sotniaŭ pacyjentaŭ z zapaleńniem lohkich i tolki ŭ adnaho ź ich pryčynaj staŭ karanavirus i poźni zvarot. U 64 zachvorvańnie praciakaje ŭ ciažkaj formie, i ni ŭ adnaho ź ich niama COVID19, u suviazi ź pnieŭmanijaj 34 pacyjentam pravodzicca štučnaja vientylacyja lohkich i va ŭsich u ich adsutničaje karanavirusnaja infiekcyja».
Ministerstva achovy zdaroŭja taksama ŭskosna raspaviało pra stan dyrektara «Marka» Martynava.
«Pacyjent, miž inšym, nie tolki žyvy, ale i maje stanoŭčuju dynamiku ad lačeńnia i nie zaražany karanavirusam».
«Što tyčycca mierapryjemstvaŭ, jakija pravodziacca na siońniašni momant: usie pacyjenty (za vyklučeńniem adnaho, jaki źviarnuŭsia pozna, stan jakoha aceńvajecca jak siaredniaj stupieni ciažkaści sa stanoŭčaj dynamikaj) znachodziacca ŭ zdavalniajučym stanie. Niekatoryja ź ich užo vypisanyja, častka — rychtujecca da vypiski, za astatnimi praciahvajecca nazirańnie i stan ich zdaroŭja bojazi nie vyklikaje», — adznačyła Ministerstva achovy zdaroŭja.
Ministerstva achovy zdaroŭja nahadała taksama ab nieabchodnaści, kab ludzi pačali kłapacicca pra svajo zdaroŭje, abierahać svaich pažyłych svajakoŭ, pierakanać ich navat u zvyčajny pieryjad siezonnaha ŭzdymu zachvorvańnia na virusnyja infiekcyi pabolš być doma, pamienš naviedvać handlovyja centry, palikliniki i miescy masavaha zboru ludziej».
Čytajcie taksama:
Biznesmien pryvioz karanavirus u Minsk. Praź jaho ŭ karancin trapili daktary «Łade», studenty BDU, vučni himnazii №20 i paračka tenisistaŭ
