U Breście 19-hadovy chłopiec zamaniŭ u padvał i zabiŭ svaju babulu. Chacieŭ zabić i dziadźku — ale toj zmoh vyrvacca
Fota SK
Viečaram 16 lutaha 19-hadovy małady čałaviek zamaniŭ u padvał doma svaju 68-hadovuju babulu, dzie nanios joj niekalki ŭdaraŭ nažom. Ad atrymanych cialesnych paškodžańniaŭ žančyna pamierła na miescy zdareńnia, paviedamlaje SK u svaim telehram-kanale.
Paśla hetaha paklikaŭ u padvał svajho 47-hadovaha dziadźku, jakomu pasprabavaŭ nanieści ŭdar siakieraj u vobłaść hałavy, adnak u jaho heta nie atrymałasia, bo paciarpieły akazaŭ aktyŭny supraciŭ i vyrvaŭ z ruk plamieńnika siakieru.
U dačynieńni da maładoha čałavieka zaviedziena kryminalnaja sprava pa č.1 art.139 (zabojstva), č.1 art.14 i č.2 art.139 (zamach na zabojstva dvuch asob) Kryminalnaha kodeksa. Padazravany zatrymany, ź jaho udziełam pravodziacca śledčyja dziejańni.
Papiarednie jon rastłumačyŭ, što matyvam ździajśnieńnia złačynstva pasłužyła najaŭnaść daŭnich kanfliktnych adnosin.
