Hildyja režysioraŭ ZŠA nazvała «Najlepšaha režysiora poŭnamietražnaha filma»
Amierykanskaja Hildyja režysioraŭ ŭručyła hałoŭnuju ŭznaharodu ŭ katehoryi «Najlepšy režysior poŭnamietražnaha filma» Semu Miendesu.
Fota ź instahrama Sema Miendesa
Za ŭznaharodu zmahalisia Kviencin Tarancina za pracu nad «Adnojčy ŭ… Halivudzie», Marcin Skarseze «Irłandziec», Pon Čžun Cho «Parazity», Tajka Vajcici «Trusik Džodžo».
Miendes atrymaŭ uznaharodu za pracu nad filmam pra Pieršuju suśvietnuju vajnu — «1917». U karcinie raspaviadajecca pra dvuch sałdat, jakim dali daručeńnie pieraadoleć varožuju terytoryju, kab pieradać sakretnaje paviedamleńnie dla vyratavańnia žyćcia tysiač vajskoŭcaŭ.
Varta adznačyć, što da hetaha Miendes atrymaŭ «Załaty hłobus» u hetaj ža naminacyi za film.
Cyrymonija ŭručeńnia ŭznaharod adbyłasia napiaredadni ŭ Łos-Andželesie.
Sioleta cyrymonija ŭručeńnia «Oskara» projdzie 9 lutaha. Za zvańnie najlepšaha filma zmahajucca: «1917», «Trusik Džodžo», «Parazity», «Irłandziec», «Adnojčy ŭ… Halivudzie», a taksama «Džokier» Toda Filipisa, «Maleńkija žančyny», «Šlubnaja historyja», «Ford suprać Fierary».
