Pampiea abviaściŭ pra sankcyi suprać małdaŭskaha aliharcha Płachatniuka
Dziaržaŭny sakratar ZŠA Majk Pampiea paviedamiŭ, što Vašynhton uvodzić sankcyi ŭ dačynieńni da byłoha lidara Demakratyčnaj partyi Małdovy Uładzimira Płachatniuka i členaŭ jaho siamji.
ZŠA majuć prava zabaraniać asobam, abvinavačanym u karupcyi, atrymlivać amierykanskuju vizu. Adpaviednyja miery pryniatyja ŭ dačynieńni da samoha Płachatniuka, jaho žonki Aksany Kiłdesku i dvuch dziaciej.
Pa słovach Pampiea, «Płachatniuk byŭ zamiašany ŭ karupcyjnaj dziejnaści, jakaja padryvała viaršenstva zakona i niehatyŭna adbivałasia na dziejnaści demakratyčnych instytutaŭ u Małdovie».
Aliharch Płachatniuk, jaki ŭznačalvaŭ Demakratyčnuju partyju Małdovy, u pačatku leta 2019 hoda sa svaimi prychilnikami pasprabavaŭ adchilić ad ułady prezidenta Ihara Dadona i kaalicyjny ŭrad Mai Sandu. Adnak hetaja sproba pravaliłasia, i Płachatniuk byŭ vymušany pakinuć krainu.
