U DAI raskazali, kolki mašyn zarehistravana ŭ Minsku
U Minsku zarehistravana kala 812 tysiač transpartnych srodkaŭ, paviedamili ahienctvu «Minsk-Naviny» u DAI HUUS Minharvykankama.
U 2019 hodzie zarehistravali 111 tysiač transpartnych srodkaŭ (na 4,4% bolš, čym pazaletaś). Źniali z uliku 105 tysiač transpartnych srodkaŭ (na 11,5% bolš).
«U pačatku studzienia ažyjatažu ŭ našych padraździaleńniach nie nazirajecca, — raspavioŭ načalnik mižrajonnaha rehistracyjnaha adździeła DAI HUUS Minharvykankama Jaŭhien Jaskaviec. — Ale ja b rekamiendavaŭ naviednikam pryjazdžać lepš u čaćvier abo piatnicu. Štodnia prymajem 900-950 zajaŭ ad hramadzian na pastanoŭku i źniaćcie z uliku, u toj čas jak uletku hety lik dachodzić da 1100-1200. Dakumienty vydajem apieratyŭna, maksimum na druhi pracoŭny dzień. Źniaćcie z uliku adbyvajecca na praciahu paŭtary-dźviuch hadzin, pastanoŭka na ŭlik ažyćciaŭlajecca ŭ dzień padačy zajavy albo na nastupny dzień. Taksama rekamienduju apłačvać dziaržpošlinu z dapamohaj sistemy ARIP. Heta našmat spraščaje praceduru pryjomu dakumientaŭ i ekanomić čas našym klijentam. Nie treba prastojvać u čerhach u kasy, razdrukoŭvać kvitancyi. Dastatkova apłacić pasłuhi doma, a ŭ zajavu ŭpisać sumu i numar płaciaža».
