Haspadynia seks-šopa raskazvaje, jak prasiła błasłavieńnia na kramu ŭ baciuški i jakimi cackami lubiać karystacca biełarusy
«Pryjšła da nas adnojčy žančyna ŭ 45 hod, usia takaja pryhožaja, zabiaśpiečanaja, — sa šlubnaha ahienctva. Joj tam paraili, što treba supakoicca, kab nie šukać mužčynu na harmonach. A dla supakajeńnia ŭziać vibratar», — dzielicca historyjaj Natalla Łapulik. Uładalnica seks-šopa, jana štodzień sutykajecca ź ludźmi, jakija chočuć palepšyć svajo intymnaje žyćcio. Zdajecca, dla jaje niama zabaronienych tem.
Natalla raskazała, jak prasiła błasłavieńnia na seks-šop u baciuški, rassyłała katałohi z tavarami pa vioskach, a taksama pra toje, jakija cacki i treninhi pa seksualnym zdaroŭi ŭ biełarusaŭ samyja papularnyja.
«Mama kazała: idzi pytajsia ŭ baciuški, jak tabie žyć dalej»
Natalla advučyłasia na buchhałtara, ale tak im nie pracavała: nie jaje. Kudy bolš joj padabałasia mieć stasunki ź ludźmi, čym sa spravazdačami i ličbami, vabiła śfiera prodažaŭ.
Intymnaja tematyka ŭźnikła nievypadkova.
«U mianie ŭ škole byŭ pradmiet, dzie nas navučali adziavać preziervatyŭ. Chłopčyki i dziaŭčaty zajmalisia paasobku. Uroki ŭ nas viała 60-hadovaja nastaŭnica. Była jašče adna aktyvistka ź liku baćkoŭ, miedyk — jana ŭ niefarmalnaj abstanoŭcy pravodziła seksualny likbiez, što dzie znachodzicca. Dziakujučy joj my ŭklučylisia ŭ pravilnaje ŭśviedamleńnie seksualnaści — nie toje, što možna pačytać u eratyčnych knihach ci pahladzieć u porna, a ź miedycynskaha punktu hledžańnia: jakija našy dziejańni da čaho viaduć. Heta było patrebna.
Pamiataju, dziaŭčaty miž saboj razmaŭlali: «A kali zaciažaryš?» — «A, dva miachi padnimu — i jano samo ŭsio vyjdzie».
Jany navučali, jak zrabić «pryrodny abort», — z žacham uspaminaje Natalla.
Pradaŭcom u seks-šopach jana stała pracavać z 2006 hoda, a ŭ 2010-m adkryła svaju kramu.
«Maje baćki spačatku nie viedali, dzie ja pracuju. «Ja pradaju duchi, kaśmietyku, cacki, suvieniry». Pa sutnaści, ja kazała praŭdu.
Ale kali maja mama sprabavała rekłamavać mianie siabroŭkam: «Maja Nataška handluje suvienirami, davajcie, dziaŭčaty, na Novy hod zamovim što-niebudź», — ja ŭlizvała ad hetaj temy. A potym źjechała adpačyvać, i da mamy dadomu pryjšła nakładnaja z najmieńniami cacak.
I pa pryjeździe jana ŭžo pa kožnaj prasiła spravazdaču, što heta. «Heta suvienir, a heta birulka, a hetym časam karystajucca žančyny…» — tłumačyła ja. Svajoj mamie pravieści lekcyju mnie było našmat składaniej, čym starońnim ludziam.
Jana ŭ mianie pravasłaŭnaja, kala 15 hadoŭ słužyć siastroj miłasernaści. I my pajechali ź joj u Izrail — heta była hrupa ad Jelisaviecinskaha manastyra, nam vydzielili asobna baciušku.
Mama kaža: «Idzi, pytajsia, jak tabie žyć dalej». Nu ładna. Ja pryjšła, kažu: «Kajusia, seks-šop. Što rabić?» Tady jon: «Heta ž tvoj biznes? Prybiary sa svajoj kramy ŭsio, što adnosicca da parnahrafii, i pakiń toje, što tyčycca zdaroŭja».
Mnie daviałosia pierahledzieć uvieś asartymient. Nie istotna jaho skaraciła, pracentaŭ na 5—10.
Ja pa kožnaj caccy mahu patłumačyć, što ź joj zrabić z karyściu dla zdaroŭja. Naprykład, ciapier u mianie novy kirunak — łaźni. Tam my taksama raźvivajem adčuvalnaść, adkrytaść. Pryjazdžała žančyna i davała majstar-kłas pa masažy nahajkaj — heta plotka, jakaja vykarystoŭvajecca ŭ BDSMie».
Azdaraŭlenčyja seks-cacki — heta nie žart. Natalla raskazvaje, jak bačyła ŭ dziaržaŭnym sanatoryi kabiniet vibraterapii. A ŭ adnym minskim miedcentry ŭsim mužčynam paśla 35 rekamiendavali masaž vakuumnaj pompaj.
«Mužčyny vielmi prasili beušnyja trusiki pradać»
Haspadynia kramy ŭspaminaje viasiołyja vypadki, ź jakimi sutykałasia ŭ praktycy.
«Kali ja tolki pačała pracavać u seks-šopie, to, pa sutnaści, u mianie była psichałahičnaja dapamoha pa telefonie. Dla taho, kab viedać, jak pracuje cacka — ja ž nie mahu sama ŭsio pasprabavać, — mnie treba było zaviazvać hutarku, vielmi blizkuju, i prasić pakupnikoŭ potym raskazać pra ŭražańni. I mužčyny časta telefanavali, dachodziła ažno da taho, što praz 15 chvilin paśla seksu jany biehli ŭ vannuju i nabirali mianie. Raskazvali, jak adreahavała žančyna, i pytalisia, što rabić dalej.
A potym byŭ pieryjad, kali my dali rekłamu ŭ hazietu, i vielmi šmat čałaviek stała telefanavać ź viosak. Niekatoryja dumali, što heta seks pa telefonie.
I kali ja adkazvała na čarhovy zvanok, mianie raspytvali, a potym čulisia achi-ŭzdychi, dumała: blin, znoŭ abkančali. Dziaŭčaty prydumali: a davaj za heta hrošy brać. Kali byli ŭ humory, hutaryli z klijentami. Prasili za heta skinuć 5—10 rubloŭ na telefon. My hetym nie zarablali, prosta hulalisia. Ale ludzi paśla nabyvali cacku i raskazvali, jak jany jaje vykarystoŭvajuć. I było stolki niestandartnych sposabaŭ! Ja hetyja historyi ciapier uklučaju ŭ ekskursiju i zapalvaju fantaziju ludziej, jany niasuć dadomu nie cacku, a scenar.
Jašče hadoŭ 10 tamu, kali my pa vioskach vysyłali katałohi, mužčyny vielmi prasili beušnyja trusiki pradać. I prytym płacili za ich vielmi doraha. Ja nie pradavała, ale ŭ nas była adna błandzinka, jakaja była hatovaja: «A što, mnie nie škada».
«U mianie žonka, try kachanki, i dla kožnaj patrebny padarunak, a to pakryŭdziacca»
80% asartymientu kramy — žanočyja tavary. Ale pa pakupki čaściej prychodziać mužčyny.
«Bo, pa-pieršaje, jany płaciežazdolnyja, pa-druhoje, zaŭsiody iduć na rekord — vyšej, macniej, chutčej, — tłumačyć Natalla. — I mužčyny vielmi lubiać daryć padarunki. Žančyna dla ich jak ajfon: možna ž da jaje kupić dadatak, i jana inakš budzie funkcyjanavać — inšaja reakcyja padčas seksu.
Raniej, kali ja pracavała na kramu padarunkaŭ «Ekśpiedycyja», tam byŭ pult kiravańnia žonkaj. Kali ja daviedałasia pra heta, padumała: «Kruta! A što jon robić?» I rasčaravałasia, bo tam usiaho tolki była karobačka ad pulta z nadpisami. Dyk voś ciapier u seks-šopie u mianie jość pult, jaki nasamreč pracuje. Mužčyna adkryvaje svoj mabilny dadatak, havoryć tudy, a ŭ žančynie staić vibrakula, jakaja pieradaje vibracyi. I tak žančyna moža razumieć roznyja kamandy.
Natalla z kalehami.
Niekatoryja ŭpryhožvajuć svaju kachanuju, jak jołačku. Tut nie važny kryteryj zručnaści. Voś žančyny da nas prychodziać pa bializnu: «A ŭ vas bavoŭna?» Kažu: «Viedajecie, u nas nie dla štodzionnaj noski, a dla pryhožych eratyčnych viečaroŭ, kab vy mahli pradefiliravać pierad mužčynam». A zachodzić mužčyna: «O, kruta, pieńjuarčyk, ažurčyk». Jon pad siabie vybiraje, na što jamu hladzieć. Adzin z pakupnikoŭ skazaŭ: heta majo prajaŭleńnie kachańnia.
A inšyja prychodziać: «Tak, u mianie žonka, try kachanki, i dla kožnaj patrebny padarunak, a to pakryŭdziacca. Vybierycie što-niebudź dla maich dziaŭčat i vitaminki mnie dla badzioraści».
Samyja papularnyja tavary ŭ seks-šopie — heta zmazki, bo jany iduć u dadatak da ŭsiaho. Na druhim miescy vibratary — chajtekaŭski, nie anatamičnaha vyhladu: jarkich koleraŭ, sa zhibam na zonu G, z pultam kiravańnia. Piać hadoŭ tamu samaj papularnaj była realistyčnaja liniejka, a ciapier da hetaha stełaža praktyčna nichto nie padychodzić.
U niekatorych fałaimitataraŭ, darečy, jość imiony — Vasil, Mikałaj. Samaha vialikaha zavuć Aleh.
«Mužčyna prychodzić abo za samym vialikim i toŭstym, abo za takim, jak svoj. I ŭsio, maleńkich nie biaruć. Kali žančyny kuplajuć, to hladziać na siaredni pa pamiery i abirajuć jaho ci mienšy», — dzielicca Natalla. Uśmichajecca, što fałaimitatary časta dorać buchhałtaram.
A voś nadzimanych lalek biaruć chiba što na viečarynki i chłapiečniki — pa prykole.
«Kab jaje realna vykarystoŭvali, ja nie bačyła. Lalki pradavalisia, ale byli vialikaj redkaściu, bo jany takija ŭsie strašnieńkija. Možna kupić kopiju z kibierskury, jana kala tysiačy dalaraŭ kaštuje, ale jana maleńkaja, mietr rostam. Atrymlivajecca, ty kuplaješ sabie dzicia? Nu heta dziŭna».
«Samyja zapatrabavanyja treninhi — pa intymnaj himnastycy i pa aralnych technikach»
Samy vialiki strach pakupnic — zhubić cacku ŭnutry siabie.
«Ja ŭžo nie ździŭlajusia takim pytańniam. U mianie jość knižačka pa anatomii, ja pakazvaju na karcincy, što caccy niama kudy dziavacca», — raskazvaje Natalla.
Sama jana seks-tavarami taksama karystajecca.
«U mianie raniej było šmat cacak. Potym pakinuła tolki toje, što dapamahaje raźvivać adčuvalnaść, padtrymlivać zdaroŭje. U mianie dźvie karobački: adna redkaja, a adna — pryłožkavaja.
Niejak ja raspradavała svaje cacki pa dalary, było cikava, chto pryjedzie. Prychodzili navat dyzajniery: jany vybirali fałaimitatar z tym ulikam, kab zrabić ź jaho kručok dla vannaj — im zakazali eratyčny interjer kvatery».
Haspadynia dzielicca, što joj važna nie prosta pradavać cacki dla zabavy, a dapamahać čałavieku vyrašać prablemu, jakaja pryviała jaho ŭ seks-šop, prasoŭvać temu seksualnaha zdaroŭja. Tamu u kramie pravodziać roznyja treninhi. Samyja zapatrabavanyja — pa intymnaj himnastycy (bo mnohija žančyny prychodziać paśla rodaŭ) i pa aralnych technikach.
«My raskazvajem, što na jazyku jość reflektornyja zony — i tym, što vy robicie miniet, vy sabie pavyšajecie imunitet. Prafiłaktyka VRVI! Kali vy kajfujecie ad mužčyny, u jaho ŭzrovień upeŭnienaści raście, raspramlajucca plečy i na jaho možna ŭskłaści bolš adkaznaści. I jon padymajecca pa karjernaj leśvicy.
A mužčynie my raskazvajem pra cykł. Navošta jamu viedać usio pra miesiačnyja? Kab razumieć, kali žančyna budzie ŭ humory, nakolki jana aktyŭnaja budzie ŭ seksie. Dla taho, kab viedać, što rabić u łožku i jak dahadzić partniorcy, treba viedać, u jakim pieryjadzie svajho cykła jana znachodzicca. Samy pik aktyŭnaści — praces avulacyi.
Da nas prychodziać ludzi ŭ 35, 40 hod, jakija nanoŭ pačynajuć siabie vyvučać. My dzielimsia, jak va ŭžo isnujučaj pary vyjści na novy vitok. U pastajannych adnosinach ludzi raskryvajucca šmathrannaściu.
Pakul my navučajem darosłych, ale mnie cikava dajści da toj temy, ź jakoj majo žyćcio pačynałasia, — kab pabolš było seksołahaŭ u krainie, kab kultura raźvivałasia, kab nie darosłych pieravučvali, a ŭ dziaciej farmiravali pravilnuju psichałohiju seksualnaści».
