Ułady likvidujuć rynak «Lebiadziny», «Pole cudaŭ» i «načny» rynak u Ždanovičach
Adpaviednaje rašeńnie №1937 ad 5 lipienia 2019 hoda siońnia aficyjna apublikavana na Nacyjanalnym pravavym internet-partale, paviedamlaje BiełTA. Rašeńnie Minharvykankama ŭstupaje ŭ siłu paśla jaho aficyjnaha apublikavańnia.
Fota UP Minskhrada
Minharvykankam zaćvierdziŭ horadabudaŭničy prajekt «Karekciroŭka horadabudaŭničaha płanu detalovaha płanavańnia terytoryi ŭ miežach pr. Pieramožcaŭ — MKAD — vuł. Cimirazieva — uł. 4-je Kalco (miaža žyłoha rajona Lebiadziny)».
«Žyłyja terytoryi, jakija zabudoŭvacca ŭzdoŭž asnoŭnych haradskich mahistralaŭ vuł. Cimirazieva i vuł. Ratamskaj (učastka 4-ha Kalca) farmujucca ŭ asnoŭnym na ekałahična parušanych terytoryjach i transfarmujemych ziemlach TAA «Handlovy dom «Ždanovičy» za košt vynasu placovak rečavaha rynku pa handli byłymi ŭ karystańni tavarami «Pole cudaŭ», handlovaha haradka «Lebiadziny», handlu płodaaharodninnaj pradukcyjaj, stajanak aŭtatranspartu. <…> Vynasu padlahajuć usie časovyja abjekty rynku, za vyklučeńniem isnujučaha administracyjnaha budynka, jaki moža być zachavany abo vykarystany pad adpaviednyja funkcyi», — skazana ŭ prajekcie.
Učastak vuł. Ratamskaj, pabudavanaj ŭ 2014 hodzie ad pr. Pieramožcaŭ da vuł. Cimirazieva, prapanujecca padoŭžyć da vuł. Kaleśnikava, što daść mahčymaść zabiaśpiečyć transpartnyja suviazi pamiž zachodnim i paŭnočna-zachodnim siektarami horada. Akramia taho, prajektam prapanavanaja rekanstrukcyja vuł. Cimirazieva ad prypynačnaha punkta Masiukoŭščyna da MKAD.
Transpartnaje absłuhoŭvańnie rajona na pierśpiektyvu budzie ažyćciaŭlacca aŭtobusnymi maršrutami, jakija prachodziać pa pr. Pieramožcaŭ, vuł. Cimirazieva i vuł. Ratamskaj, elektraciahnikami haradskich linij čyhunki (punkt prypynku «Lebiadziny»), a taksama maršrutami tramvaja pa vuł. Ratamskaj (4-je Kalco).
