U Baranavičach pamior vajskoviec unutranych vojskaŭ
U častcy № 7404 unutranych vojskaŭ MUS u Baranavičach, Radyjo Svaboda paviedamili pra raptoŭnuju śmierć ich vajskoŭca Dźmitryja Chanceviča.
Dziažurny vajskovaj častki skazaŭ, što zdareńnie adbyłosia 12 červienia ranicaj: «Jon pryjechaŭ na rovary ŭ vajskovuju častku i nieŭzabavie pamior. Vyśviatlajuć pryčyny. Jon byŭ staršym kantraloram, namieśnikam kamandzira ŭzvodu. Žyŭ u Baranavičach».
Daktary, jakija rabili reanimacyju, kazali pra nizki cisk u Dźmitryja.
«Pryjazdžała śledčaja hrupa, prykmiet hvałtoŭnaj śmierci nie znajšła», — skazali ŭ vajskovaj častcy.
Pavodle krynicy błohiera Nexta, sasłužyŭcy znajšli Dźmitryja ŭ raździavalni ŭ nieprytomnym stanie, sami pačali reanimavać i vyklikali chutkuju dapamohu, daktary jakoj potym praciahvali rabić štučnaje dychańnie i niepramy masaž serca».
