U łondanskaj kramie Nike źjavilisia bodzipazityŭnyja maniekieny
Vytvorca spartyŭnaha adzieńnia Nike pradstaviŭ pieršyja maniekieny dla adzieńnia plus-size u svaim hałoŭnym łondanskim buciku.
Poŭnym ludziam niaprosta znajści sabie zručnuju i prydatnuju spartyŭnuju vopratku ci adhadać, jak buduć na ich ciele hladziecca spartyŭnyja majki i štany: u łukbukach zdymajucca strojnyja madeli, a asartymient adpaviednych kram nie zaŭsiody raduje žančyn z pamieram adzieńnia XXL.
Novyja maniekieny źjavilisia na žanočym paviersie kramy, pobač z tavarami dla spartsmienaŭ-invalidaŭ. Ciapier navinku aktyŭna abmiarkoŭvajuć u sacsietiach. Jak i čakałasia, dumki raździalilisia na supraćlehłyja. Adny radujucca tamu, što ŭ mažnych žančyn budzie mahčymaść vyhladać u spartyŭnych rečach modna i pryhoža, inšyja vinavaciać Nike u tym, što jany prapahandujuć atłuścieńnie.