Alaksandra Sasnovič pieramahła 4-ju rakietku śvietu

Biełaruskaja tenisistka Alaksandra Sasnovič (30-y numar rejtynhu WTA) vyjšła ŭ čverćfinał turniru ŭ aŭstralijskim Bryśbienie, paviedamlaje BiełTA. U siońniašniaj sustrečy z čaćviortaj rakietkaj płaniety ukrainkaj Elinaj Śvitolinaj Sasnovič vyjhrała pieršy set ź likam 6:4. Druhaja partyja zastałasia za ŭkrainskaj tenisistkaj — 0:6, a ŭ vyrašalnym secie znoŭ pieramahła biełaruska — 6:3.

U baraćbie za vychad u paŭfinał Alaksandra Sasnovič zhulaje z charvatkaj Donaj Viekič (34).

Na spabornictvach u kitajskim Šeńčženi biełaruskaja tenisistka Aryna Sabalenka (13) vyjšła ŭ čverćfinał, u jakim budzie supierničać z rasijskaj tenisistkaj, byłoj pieršaj rakietkaj płaniety Maryjaj Šarapavaj(29). 

0

0

0

0

0

0