Fejkavyja naviny raspaŭsiudžvajucca ŭ Twitter značna chutčej za sapraŭdnyja — daśledavańnie
Jak paviedamlaje Reuters, da takoj vysnovy pryjšli navukoŭcy Masačusieckaha technałahičnaha instytuta.
Śpiecyjalisty praanalizavali kala 126 tysiač paviedamleńniaŭ, pakinutych u Twitter z 2006 pa 2017 hod, i vyjavili, što niedakładnaja infarmacyja retvicicca karystalnikami na 70% čaściej za sapraŭdnyja naviny.
Daśledavańnie, apublikavanaje časopisam Science, jak adznačajecca, stała adnoj z samych surjoznych sprobaŭ analizu dynamiki raspaŭsiudžvańnia fejkavych navin u sacyjalnych sietkach. Infarmacyju, jakuju analizavali navukoŭcy, praviarali šeść niezaležnych faktčekinhavych arhanizacyj, u pryvatnaści — Snopes i Politifact. Pavodle vysnovaŭ navukoŭcaŭ, fejkavyja naviny raspaŭsiudžvajucca značna chutčej va ŭsich katehoryjach. Asabliva heta tyčycca navin pra palityku, u mienšaj stupieni — navin ab teraryźmie, stychijnych biedstvach, navucy, finansach i «haradskich lehiendach». Pry hetym, takuju dynamiku zabiaśpiečvajuć, u asnoŭnym, sapraŭdnyja karystalniki, a nie aŭtamatyzavanyja «boty».
