Siensacyja: niemcy na Alimpijadzie vybili šviedaŭ i vyjšli ŭ paŭfinał
Vyznačylisia ŭsie čaćviora paŭfinalistaŭ alimpijskaha chakiejnaha turnira, jaki prachodzić u karejskim Pchiončchanie.
Joel Marklund/ZUMAPRESS.com
Samym dramatyčnym vydaŭsia apošni čverćfinał, dzie adny z favarytaŭ turniru šviedy sustrakalisia ź niemcami. Užo ŭ pieršym pieryjadzie niemcy zakinuli dźvie šajby, tolki naprykancy hulni bolš majstravityja šviedy zmahli adyhracca, pieravioŭšy hulniu ŭ oviertajm.
Užo na pieršaj chvilinie oviertajma 35-hadovy napadnik niemcaŭ Patryk Rajmier vyvieŭ svaju kamandu ŭ paŭfinał. 4:3 — pieramoha Hiermanii. Šviedy praz 16 hadoŭ paśla parazy ŭ čverćfinale Alimpijady ŭ Sołt-Łejk-Sici znoŭ astupilisia na toj samaj stadyi i z takim samym likam.
U astatnich čverćfinałach Čechija pa bulitach pieramahła ZŠA 3:2, Rasija razhramiła Narviehiju 6:1, a kanadcy minimalna abyhrali Finlandyju 1:0.
Paŭfinały adbuducca ŭ piatnicu. Sustrakajucca Rasija — Čechija, Kanada — Hiermanija.
Sočym za Alimpijadaj razam z bukmiekierskaj kantoraj Marafon
