Bijatłanisty Narviehii vystupili za bajkot etapu Kubka śvietu ŭ Ciumieni
Narviehija zapatrabavała ad Mižnarodnaha sajuza bijatłanistaŭ (IBU) nieadkładna dyskvalifikavać rasijskich spartsmienaŭ, abvinavačanych u parušeńni antydopinhavych praviłaŭ. Ab hetym paviedamlajecca ŭ zajavie Sajuza bijatłanistaŭ Vialikabrytanii (BBU), apublikavanym u sieradu, 21 śniežnia.
«Narviehija zapatrabavała, kab IBU admianiŭ usie zapłanavanyja mierapryjemstvy, pakul usie pracedury nie stanuć «čystymi», a taksama adchiliŭ zhadanych u kanfidencyjalnaj častki dakładu Ryčarda Makłarana rasijskich bijatłanistaŭ», — havorycca ŭ zajavie. U advarotnym vypadku, jak adznačajecca, Narviehija razhledzić mahčymaść bajkotu usich spabornictvaŭ u Rasii.
Raniej u sieradu anałahičnaje rašeńnie pryniali zbornyja Čechii i Vialikabrytanii. «Ja nie dumaju, što etap u Ciumieni adbudziecca. Pa toj prostaj pryčynie, što bijatłanisty tudy nie pryjeduć. Čechi, viadoma, dakładna nie pajeduć u Ciumień», — zajaviŭ prezident češskaj fiederacyi bijatłonu Iržy Chamza.
