Kolkaść rezidentaŭ PVT pavialičyłasia da 164
U Parku vysokich technałohij zarehistravany piać novych rezidentaŭ. Adpaviednaja infarmacyja raźmieščana na aficyjnym sajcie PVT.
Na pasiadžeńni nahladalnaha savieta ŭ jakaści novych rezidentaŭ PVT zarehistravany piać IT-kampanij: TAA «Duał Łab Bieł», «Eliz Hiejms», «Papakaja», «STSO» i NV TAA «Todes».
Taksama na pasiadžeńni byŭ uchvaleny novy biznes-prajekt kampanii — rezidenta PVT «EPAM Sistemz», jaki praduhledžvaje pašyreńnie pieraliku vidaŭ dziejnaści. Naraŭnie z raspracoŭkaj prahramnaha zabieśpiačeńnia «EPAM Sistemz» płanuje ažyćciaŭlać dziejnaść pa techničnaj abaronie infarmacyi, raspracoŭku ŭstrojstvaŭ u halinie «Internet rečaŭ», a taksama akazvać pasłuhi centraŭ apracoŭki danych.
Takim čynam, u Parku vysokich technałohij zarehistravanyja 164 rezidenty.
