Žanočyja harmony dapamohuć sałdatam pieratryvać mocny kryvaciok
Univiersitet Ałabamy (ZŠA) pačynaje vyprabavańni na ludziach lekaŭ, atrymanych z vykarystańniem žanočaha harmonu estrahienu, jakija mohuć dapamahčy žaŭnieram, jakija chutka hublajuć kroŭ, datryvać da špitala.
Pra heta paviedamiŭ sajt navin dla paramiedykaŭ emsworld.com.
Ministerstva abarony ZŠA vydała $10 młn na trochhadovuju prahramu raspracoŭki śpiecyjalnych miedycynskich srodkaŭ dla vykarystańnia na poli boju.
Vučonyja Univiersiteta Ałabamy ličać, što sintetyčnyja malekuły estrahienu vielmi mocna dapamohuć paranienym ź vialikim kryvaciokam. Viadoma, što žanočy arhanizm, prystasavany da rodaŭ, značna lepš vytrymlivaje vialikija straty kryvi, a taksama ŭ siarednim maje bolš vysoki bolevy paroh. Hetym i vyrašyli skarystacca miedyki.
Srodak užo testavaŭsia na žyviołach. Jon nie spyniaje kryvaciok, adnak dapamahaje ciełu paranienaha spraŭlacca sa strataj kryvi, mabilizujučy fizijałahičnyja miechanizmy arhanizmu.
Zhodna ź infarmacyjaj Ministerstva abarony ZŠA, bolš za 80% paranienych žaŭnieraŭ, jakija patencyjna mahli vyžyć, u 2001-2011 hadach zahinuli mienavita ad mocnaha kryvacioku.
