Prarektaram Minskaj duchoŭnaj akademii staŭ student pieršaha kursa
Ukazam mitrapalita Paŭła prarektaram Minskaj duchoŭnaj akademii pa administracyjna-haspadarčaj i finansava-ekanamičnaj pracy pryznačany ijeramanach Sierhij (Bryč), jaki skončyŭ sioleta zavočnaje adździaleńnie Minskaj duchoŭnaj sieminaryi i što pastupiŭ na pieršy kurs aśpirantury hetaj akademii.
Ijeramanach Sierhij (Bryč), u śviecie — Siarhiej Uładzimiravič Bryč, naradziŭsia ŭ 1987 h. u h. Drahičynie, u 2009 h. skončyŭ histaryčny fakultet Bresckaha dziaržaŭnaha ŭniviersiteta. U hetym ža hodzie jepiskap Babrujski i Bychaŭski Sierafim ździejśniŭ jaho manaski postryh, a zatym vyśviaciŭ u dyjakanski (27.12.2009) i śviatarski (08.01.2010) san.
nie paźniej za lipień 2015 pieraviedzieny ŭ Minskuju jeparchiju, dzie vyznačany klirykam Śviata-Duchava kafiedralnaha sabora. Z hetaha času byŭ nabližany da mitrapalita Paŭła i supravadžaŭ jaho va ŭsich pajezdkach.
27 vieraśnia 2015 h u kafiedralnym sabory mitrapalit Pavieł uskładaje na ijeramanacha Sierhija kryž z upryhožańniami «u suviazi z pryznačeńniem jaho na pasadu prarektara Minskaj duchoŭnaj akademii».
Maje tolki sieminarskuju duchoŭnuju adukacyju: Minskaja duchoŭnaja sieminaryja (zavočnaje adździaleńnie, 2015), bakałaŭr bahasłoŭja, tema dypłomnaj pracy — «Vilenskaje pravasłaŭnaje bractva: stvareńnie, arhanizacyja i dziejnaść u XVI—XVIII stst.». U hetym hodzie, pa błahasłavieńniu mitrapalita Paŭła pryniaty na pieršy kurs aśpirantury Minskaj duchoŭnaj akademii, abychodziačy mahistraturu.