Kampanija Skype zapuściła sinchronny pierakład hałasavych zvankoŭ
Skype zapuściła servis Translator («pierakładčyk»), jaki dazvalaje ŭ realnym časie pierakładać razmovu padčas hutarak.
Jak vynikaje z aficyjnaha paviedamleńnia kampanii, pasłuha budzie dastupnaja dla šaści moŭ: anhlijskaj, francuzskaj, niamieckaj, italjanskaj, kitajskaj i ispanskaj.
«U kampanii daŭno maryli złamać moŭny barjer pamiž karystalnikami», — śćviardžajuć u Skype.
Skype Translator vykarystoŭvaje technałohii raspaznańnia maŭleńnia i aŭtamatyčnaha pierakładu. Akramia taho, admietnaj rysaj źjaŭlajecca mašynnaje navučańnie: heta značyć čym bolš čałaviek budzie karystacca servisam, tym karektniej pierakład budzie pracavać.
Taksama kampanija zapuskaje aŭtamatyčny pierakład tekstavych paviedamleńniaŭ — servis budzie padtrymlivać bolš za 50 moŭ.
Novaja funkcyja źjavicca ŭ bližejšyja niekalki tydniaŭ na płatformach Windows. Kali funkcyja budzie dastupnaja na inšych płatformach, nie paviedamlajecca.