Znajści
Ałharytmičny łacinski varyjant
01.06.2015 / 11:14RusŁacBieł

Stvaralnika narkarynku ŭ «ciomnym vebie» prysudzili da pažyćciovaha źniavoleńnia

Ros Ulbrycht «dumaŭ, što robić niešta pravilnaje».

Ros Ulbrycht. Malunak z sudu

Zasnavalnik Silk Road, narkarynku ŭ schavanaj častcy internetu («dark web»), 31-hadovy Ros Ulbrycht, atrymaŭ dva pažyćciovych źniavoleńni biez prava na ŭmoŭna-daterminovaje vyzvaleńnie, paviedamlaje Wall Street Journal. Taksama jon atrymaŭ piać hod za chakierstva, 15 za prodaž falšyvych dakumientaŭ i 20 za admyvańnie hrošaj.

Silk Road dazvalaŭ pry peŭnych techničnych navykach ananimna handlavać narkotykami ŭ internecie. Asnoŭnaj masaj tavaraŭ byli psichatropnyja rečyvy, taksama pradavalisia zabaronienyja knihi, parnahrafija, zbroja.

Ulbrycht byŭ zatrymany ŭ 2013 hodzie ŭ San-Francyska. Kab dakazać jaho vinu, zatrymańnie arhanizavali tak, kab jon nie paśpieŭ zachłopnuć kryšku noŭtbuka. U noŭtbuku śledstva znajšło dokazy suviazi Ulbrychta i internet-piersanaža pad niknejmam «Žachlivy pirat Robierts».

Chacia Silk Road isnavaŭ u sietcy Tor, što praktyčna harantuje ananimnaść, u śledčych atrymałasia vyjavić IP-adras Ulbrychta praz uciečku častki źviestak u servisie «pravierki na robata» reCAPTCHA na sajcie narkarynku.

Sajt Silk Road byŭ zasnavany ŭ 2011 hodzie ŭ «ciomnym vebie» na domienie.onion. Jon dazvalaŭ raźmiaščać abviestki ab prodažy i pakupcy zabaronienych u śviecie tavaraŭ dy raźličvacca ananimnaj valutaj — bitkoinami. Abarot na 2012 hod aceńvaŭsia ŭ 1,2-1,9 młn dalaraŭ na miesiac.

Pierad vyniasieńniem prysudu Ulbrycht pryznaŭ svaju vinu, ale prasiŭ nie davać jamu pažyćciovaha źniavoleńnia.

Jaho list da sudździ pieradaje TJournal.

U liście Ulbrycht piša, što rabiŭ sajt nie dziela prybytku. «Ja stvaryŭ Silk Road, bo dumaŭ, što sama ideja sajtu maje značeńnie. I što zapuściŭšy jaho, ja rablu niešta pravilnaje, — pisaŭ jon. — Ja vieryŭ u toj čas, što ludzi majuć prava pradavać i kuplać usio, što zaŭhodna, da tych časoŭ, pakul nie nanosiać škody inšym».

Ros Ulbrycht da zatrymańnia. Fota z sajta wccftech.com

Jon piša, što asensavaŭ pamyłkovaść svaich pohladaŭ na toje, jak varta davać ludziam svabodu prymać vyrašeńni. Pavodle słoŭ Ulbrychta, jon «nikoli nie chacieŭ stvarać sajt, što staŭ by jašče adnym srodkam zadavolić zaležnaść».

U pramovie sudździa Ketryn Forest rastłumačyła, što Ulbrycht — «niezvyčajny złačynca». «Vy vielmi adukavany čałaviek. U vas dźvie vyšejšyja adukacyi, dobraja siamja i 98 čałaviek akazalisia hatovyja napisać mnie listy ŭ vašu abaronu. I ŭsio ž vy tut. I vy złačyniec», — skazała jana. Ź jaje słoŭ možna zrazumieć, što prysud Ulbrychtu maje prademanstravać strohaść zakonu inšym, u kaho mohuć uźniknuć padobnyja idei.

Paśla zatrymańnia Ulbrychta i zakryćcia Silk Road u chutkim časie ŭ «ciomnym vebie» ŭźniknuŭ servis Silk Road 2.0 i šerah anałahaŭ. Miarkujecca, što jany majuć užo mienšuju papularnaść. Ale nabyć narkotyki dy inšyja zabaronienyja tavary praz darknet usio jašče možna, navat na terytoryi Biełarusi.

Alaksandr Arsionaŭ

Chočaš padzialicca važnaj infarmacyjaj
ananimna i kanfidencyjna?

Клас
Панылы сорам
Ха-ха
Ого
Сумна
Абуральна
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera
PNSRČCPTSBND
123
45678910
11121314151617
18192021222324
25262728293031