Nacbank: Ipatečnych kredytaŭ, jak u Polščy, pakul čakać nie varta
U Nacbanku ŭpeŭnieny, što nizkija staŭki pa ipatečnych kredytach buduć mahčymyja tolki, kali inflacyja ŭ krainie budzie mienš za 10%.
Pra heta zajaviŭ staršynia praŭleńnia hałoŭnaha banku Pavieł Kałaŭr, adkazvajučy na pytańnie ab tym, kali staŭki pa kredytach na žyllo buduć na ŭzroŭni susiednich jeŭrapiejskich krain, naprykład Polščy.
Na hety momant najaŭnaść ipatečnaha kredytavańnia ŭ Biełarusi možna nazvać umoŭnym.
Navat dla taho, kab uziać kredyt na nievialikuju sumu ŭ 20 tysiač dalaraŭ, biełarus pavinien mieć zarobak u rajonie 20 miljonaŭ rubloŭ. Pry hetym, płaciažy pa takim kredycie ŭ miesiac buduć składać kala 10 miljonaŭ rubloŭ, heta značyć, pałovu dachodu.
U polskich bankach, da prykładu, staŭki ipatečnych kredytaŭ składajuć ad 1,20 da 3,36% hadavych.
«Napeŭna, vas nie vielmi zadavolić moj adkaz. Kab staŭka pa ipatečnych kredytach byli jak u Polščy, patrebna makraekanamičnaja stabilnaść, jakaja zabiaśpiečana ŭ Polščy, pryčym u peŭnym pieryjadzie času. U nas byli ŭzrušeńni i byŭ pieryjad hipierinflacyi ŭ 2011 hodzie. Kab vyjści na nizkija staŭki treba vyjści na inflacyju ŭ adnu ličbu», — adkazaŭ žurnalistam Pavieł Kałaŭr.
Nahadajem, pa prahnozach Nacbanka, inflacyja ŭ hetym hodzie składzie ŭ Biełarusi 16%.