Tor atrymaŭ abnaŭleńnie z režymam maksimalnaj biaśpieki
Ananimny braŭzier mieli zabłakavać u Biełarusi, ale jon pakul pracuje.
Braŭzier Tor atrymaŭ vialikaje abnaŭleńnie da viersii 4.5, raspaviadajuć raspracoŭščyki ŭ błohu Tor Project.
Hałoŭnaja navinka ŭ braŭziery — mieniu naładaŭ uzroŭniu biaśpieki. Minimalny ŭzrovień błakuje tolki najbolš «dziravyja» funkcyi, praź jakija možna deananimizavać karystalnika. Maksimalny błakuje navat źniešnija šryfty i ŭsie videakodeki aproč WebM.
U asnoŭnym mieniu ciapier možna prahladzieć łancužok vuzłoŭ, praź jakija prachodzić trafik, kab stać ananimnym. Udały łancužok možna zachavać dla naviedvańnia staronki.
Taksama braŭzier atrymaŭ šerah abnaŭleńniaŭ i «zapłatak» pa častcy biaśpieki. U ich liku novy transpart trafiku obfs4, jaki, pa słovach raspracoŭščykaŭ, nie paddasca navat kitajskim cenzaram, a taksama abarona ad sačeńnia za karystalnikam praz knopku «Like» sacsietka Facebook.
Zhodna z pastanovaj AAC Minsuviazi mieła zabłakavać srodki ananimnaści ŭ internecie. Tor uvachodzić u adzin ź piaci najbolš papularnych šlachoŭ dostupu da zabłakavanych sajtaŭ. Na dumku ekśpiertaŭ, błakavańnie Tor technična składanaje i niemetazhodnaje. Na momant publikacyi Tor nie byŭ zabłakavany.
