U minskim handlovym centry adkryłasia krama vyšyvanak
U Maskoŭska-Vienskim handlovym centry buduć pradavacca vyšyvanki, vyšymajki, skandalnaja «Vieršnica» i inšaja pradukcyja z nacyjanalnaj simvolikaj.
Anłajn-krama Symbal.by raspačała handal u paviljonie 333 na trecim paviersie HC «Maskoŭska- Vienski» pa adrasie pr-t. Niezaležnaści, 58.
Ad siońnia kožny dzień z 11:00 da 20:00 u paviljonie možna nabyć nie tolki tradycyjnyja dla Symbal.by vyšymajki, mahniciki ci torbački, ale i sapraŭdnyja vyšyvanki vytvorčaści UP «Skarbnica».
Fota: Pavieł Biełavus
Jak raspavioŭ «Našaj Nivie» dyrektar kramy Symbal.by Pavieł Biełavus, novaja kropka adkryłasia na miescy kramy «Moj modny kut», a pradukcyja «Skarbnicy» abranaja praz vysokuju jakaść pry prymalnaj canie.
Absłuhoŭvańnie ŭ kramie viadziecca tolki pa-biełarusku.
U kramie možna nie tolki nabyć rečy ŭ nacyjanalnym styli, ale i biaspłatna ŭziać stužku z arnamientam ci paštoŭku časoŭ BNR.
