Sietku LTE płanujecca zapuścić u Minsku ŭ 2015 hodzie
Raźvićcio ŭ Biełarusi technałohii LTE «idzie pavodle płana», i ŭ Minsku sietku LTE płanujecca zapuścić u 2015 hodzie, paviedamiŭ na pres-kanfierencyi 31 lipienia hienieralny dyrektar STAA «Biełaruskija vobłačnyja technałohii» (apieratar beCloud) Siarhiej Pabłahujeŭ.
U lipieni beSloud uvioŭ u ekspłuatacyju apornuju sietku dla Adzinaj respublikanskaj sietki pieradač danych, jakaja abjadnoŭvaje 40 haradoŭ krainy. Jak padkreśliŭ Pabłahujeŭ, biez stvareńnia apornaj sietki LTE «nie žyvie pry tych abjomach trafiku, jakija jana patrabuje». «Apornuju sietku my ŭžo stvaryli, i ŭ hetym kantekście možna skazać, što my ŭžo raspačali budavać sietku LTE», — skazaŭ hiendyrektar beSloud.
***
Long Term Evolution (LTE, 4G) — pierśpiektyŭnaje (čaćviortaje) pakaleńnie mabilnaj suviazi, jakoje charaktaryzujecca vysokaj chutkaściu pieradačy danych i pavyšanaj jakaściu hałasavoj suviazi. Sietka čaćviortaha pakaleńnia dazvalaje zabiaśpiečyć chutkaść pieradačy danych u 5—15 razoŭ vyšej, čym 3G. Dziakujučy 4G abanient atrymlivaje vysokachutkasny internet, inavacyjnyja multymiedyjnyja pasłuhi, aŭdyja- i videakantent samaj vysokaj jakaści ŭ režymie realnaha času, novy ŭzrovień interaktyŭnych znosinaŭ.
