Kampanija «Savuškin pradukt» źmianiła brend
Kampanija «Savuškin pradukt» abnaviła brend svajoj małočnaj pradukcyi na «Savuškin». Źmiena nazvy stała zaklučnym etapam doŭhačasovaj pracy pa repazicyjanavańni brenda «Savuškin pradukt», paviedamili na pradpryjemstvie.
Pierajmienavańnie asnoŭnaha brenda nijak nie adabjecca na naźvie samoj kampanii: adkrytaje akcyjaniernaje tavarystva budzie pa-raniejšamu zvacca «Savuškin pradukt». Abnoŭleny łahatyp pastupova źjavicca na ŭpakoŭkach usich praduktaŭ handlovaj marki «Savuškin» i ŭ rekłamnych materyjałach, źviazanych z pradukcyjaj kampanii.
«Słova «pradukt» źnikła jak ź imia brenda, tak i ź jaho łahatypa. Brend staŭ karaciejšy, ale asnoŭny jaho sens pry hetym zachavaŭsia.
I ciapier jon zaviecca prosta «Savuškin», — prakamientavała źmianieńni načalnik upraŭleńnia markietynhu i rekłamy AAT «Savuškin pradukt» Alena Vasiankova. — Dla sučasnych łahatypaŭ charakternaja tendencyja da spraščeńnia i vydaleńnia elemientaŭ, jakija nie niasuć sensavaj nahruzki samoha brenda. Z punktu hledžańnia markietynhu «pradukt» — heta tavar ci pasłuha, jakija možna prapanavać rynku i jakija buduć zadavalniać patrebnaści spažyŭcoŭ. Adpaviedna, heta słova nie ŭnikalnaje i nie zdolnaje vystupać admietnym elemientam. Da taho ž za doŭhi čas isnavańnia brenda sami spažyŭcy padkazali nam nieabchodnaść jaho aptymizacyi, tamu što nazyvali pradukty našaj marki jak «Savuškin», a nie «Savuškin pradukt».
Apytanka
