Apieracyju na sercy 100-hadovaj pacyjentcy zrabili ŭ Minsku
Daktary Minskaj balnicy chutkaj miedycynskaj dapamohi paśpiachova praviali apieracyju na sercy 100-hadovaj pacyjentki. U kliniku jana pastupiła z vostrym infarktam mijakarda.
Pra heta paviedamiŭ zahadčyk adździaleńnia reanimacyi i intensiŭnaj terapii dla kardyjałahičnych chvorych Haradskoj kliničnaj balnicy chutkaj miedycynskaj dapamohi (BCHMD) Siarhiej Hunič.
— Biezumoŭna, pacyjentka takoha stałaha ŭzrostu — vypadak najskładany, — prakamientavaŭ doktar. — Tamu dla vyznačeńnia taktyki lačeńnia byŭ sklikany kansilium. U vyniku pryniali rašeńnie ab vykanańni renthienendavaskularnaj apieracyi. Žančynie vykanali stenciravańnie sasudaŭ serca, adnaviŭšy takim čynam narmalny kryvaciok. Paśla apieracyi pacyjentka była pieraviedziena ŭ adździaleńnie reanimacyi i intensiŭnaj terapii dla kardyjałahičnych chvorych, a zatym u kardyjałahičnaje adździaleńnie. Pa stanie zdaroŭja babula ŭžo vypisanaja dadomu.
Jak dadaŭ hałoŭny pazaštatny śpiecyjalist pa renthienendavaskularnaj chirurhii kamiteta pa achovie zdaroŭja Minharvykankama Alaksandr Biejmanaŭ, u BCHMD renthienendavaskularnaja chirurhija imkliva raźvivajecca. Dla hetaha ŭ klinicy stvoranyja ŭsie ŭmovy: jość mahčymaść praviadzieńnia mahnitna-rezanansnaj i kampjutarnaj tamahrafii, dziejničaje anhijahrafičny kabiniet, pracuje vysokakvalifikavany miedpiersanał.
