U Narviehii pakažuć sieryjał pra novuju rasijskuju akupacyju
Narviežski telekanał NRK pakaža 10-sieryjny palityčny tryler «Akupavanyja» pra zachop Narviehii Rasijaj.
Pa siužecie sieryjała, rasijskija ŭłady vyrašyli akupavać Narviehiju, kab zabiaśpiečyć impart nafty. Na praciahu dziesiaci sieryj budzie raspaviadacca pra žyćcio narviežcaŭ u zachoplenaj krainie.
Aŭtaram siužetu staŭ viadomy narviežski majstr detektyvaŭ Ju Nieśbio.
Pieršyja try sieryi «Akupavanych» zdymie Eryk Šełdbjerh, režysior dramy «Nacyja prazaka» i detektyva «Biassonica» (1997), na jaki ŭ 2002 h. źniaŭ rymiejk Krystafier Nołan z Al Pačyna ŭ hałoŭnaj roli.
Vytvorčaściu sieryjała zajmajecca šviedskaja studyja Yellow Bird. Akramia jaje, nad filmam pracujuć telekampanii z Francyi i Hiermanii. Piersanažy šmatsieryjnaha filma buduć razmaŭlać na narviežskaj, rasijskaj i anhlijskaj movach.
Zdymki sieryjała pačnucca ŭ pačatku 2014 hoda, a premjera adbudziecca na najbujniejšym narviežskim telekanale NRK u 2015 hodzie.