Ad čaćviarha ŭ minskich kinateatrach — «U tumanie» pavodle Bykava

Ad 21 lutaha na ekrany ŭ Biełarusi vychodzić film Siarhieja Łaźnicy «U tumanie» pavodle apovieści Vasila Bykava. Premjera, bieź pierabolšańniaŭ, doŭhačakanaja: film paśpieŭ tryŭmfalna prakacicca pa mižnarodnych fiestyvalach, trapiŭ u Kany.

Jak kazaŭ u intervju sam režysior, apovieść Bykava jon uziaŭ tamu, što jaho vabić ekzistencyjnaja drama. Bykaŭ cikavić Łaźnicu svajoj fiłasofijaj, situacyjaj, kali čałaviek staić pierad vybaram, i vybar hety maksimalna ciažki.

Krytyki adznačajuć, što Łaźnica vielmi arhanična ŭliŭsia ŭ bykaŭskuju stylistyku. Usio toje, što režysior dadaŭ u film «ad siabie», adychodziačy ad apovieści, niemahčyma adroźnić ad bykaŭskaha tekstu.

Ad čaćviarha, 21 lutaha, film zmoža ŭbačyć i masavy hladač: papiarednija pakazy na kinafiestyvali «Listapad» źbirali poŭnyja zały, ale było ich usiaho try.

Sieansy -- a 16.10 u kinateatry "Biełaruś" (Ramanaŭskaja Słabada, 28).

JUU

Chočaš padzialicca važnaj infarmacyjaj
ananimna i kanfidencyjna? Pišycie redaktaru
«Našaj Nivy» ŭ TH

0

0

0

0

0

0