U sieryjale «Zvyšnaturalnaje» fihuruje Viciebsk
13 sieryja 8 siezonu amierykanskaha mistyčnaha telesieryjała “Zvyšnaturalnaje” pačynajecca ŭ Viciebsku ŭ 1944 hodzie.
Sieryja, jakaja nazyvajecca «Usie nienavidziać Hitlera», vyjšła ŭ efir 6 lutaha 2013.
Zhodna z fabułaj hetaj sieryi, u Viciebsku nacysty z akultnaha «Tavarystva Tule» zajmajucca ekśpierymientami nad vajennapałonnymi, kab navučycca ažyŭlać pamierłych. Rabiny ŭ hieta stvarajuć holema — štučnaha čałavieka z hliny, — kab toj źniščyŭ ekśpierymientataraŭ. U vyniku napadu holema kamiendant spalvaje kancentracyjny łahier, a sam źnikaje pry dapamozie mahii.
Užo ŭ naš čas hałoŭnyja hieroi sieryjała Sem i Dzin rasśledujuć śmierć rabina Basa, jaki raptoŭna zhareŭ. Sprava robicca bolš zabłytanaj, kali jany daviedvajucca, što rabin zajmaŭsia daśledavańniem nacysckich niekramantaŭ. Na Sema i Dzina napadaje holem, jaki, akazvajecca, naležyć ŭnuku rabina, Aaronu. Holem — kluč da razhadki, ale Aaron nie viedaje, jak im kiravać, tamu ŭsie znachodziacca ŭ niebiaśpiecy.
«Zvyšnaturalnaje» (anhł. Supernatural) — amierykanski telesieryjał, stvorany Erykam Krypkie, jaki raskazvaje pra dvuch bratoŭ — palaŭničych na niačyścikaŭ, što vandrujuć pa ZŠA.
