Marcin Paŭłsen z Narviehii: «Bieź biełaruskaj movy vašu krainu nie zrazumieć»
Biełaruskuju vučać nie tolki zakachanyja ŭ biełaruskich dziaŭčat ci chłopcaŭ ramantyki, ale i surjoznyja navukoŭcy kštałtu 34-hadovaha Marcina Paŭłsena.
Ja pryjechaŭ u Minsk, kab vyvučać rasijskuju movu. I doŭha dumaŭ, što vałodańnia rasijskaj dastatkova, kab razumieć Biełaruś. Ale ź ciaham času zrazumieŭ, što biełaruskuju kulturu i situacyju ŭ krainie nielha zrazumieć bieź biełaruskaj movy. Tamu ŭ 2002 hodzie vyrašyŭ, što treba vyvučać i biełaruskuju.
U čas navučańnia ŭ BDATU pa abmienie studentami mnie pašenciła, bo ja mieŭ mahčymaść adzin zajmacca z vykładčycaj, i my zmahli vybrać aptymalnuju chutkaść zaniatkaŭ.
Samaje składanaje było ŭ adsutnaści (na toj čas, ciapier, zdajecca, užo jość) padručnikaŭ dla zamiežnikaŭ, jakija zachacieli vyvučać biełaruskuju. Bo zamiežnikam, vidavočna, składana vučycca pa tych samych padručnikach, pa jakich vučacca biełarusy. Taksama spačatku było składana znajści biełarusaŭ, jakija chacieli razmaŭlać sa mnoj
Ja byvaju u Biełarusi kožny hod. Biełaruskamoŭnyja biełarusy achvotna razmaŭlajuć sa mnoj. Ale ich niašmat, tamu časta davodzicca pierachodzić na rasijskuju.
Ciapier ja čytaju
Biełaruskaja mova mnie padabajecca za toje, što zastałasia blizkaj da hutarkovaj movy i dyjalektaŭ. U hetym płanie biełaruskaja padobnaja da majoj rodnaj movy, narviežskaj. Mnie vielmi padabajecca słova «smak», bo jano jość i ŭ narviežskaj movie. I maje toje samaje značeńnie, što i ŭ biełaruskaj.
Maje parady zamiežnym studentam: słuchajcie biełaruskuju muzyku, naprykład, N.
