Siońnia — uručeńnie premij Brytanskaj kinaakademii: hałoŭny pretendent — «Linkaln»
9 studzienia byli abvieščanyja naminanty na premii BAFTA. Bolš za ŭsio zhadak — 10 — zasłužyŭ bijahrafičny film «Linkaln», źniaty Styvienam Śpiłbierham.
Pa dzieviać naminacyj atrymali brytanskija stužki «Adrynutyja» i «Žyćcio Pi». Apošniaja sieryja bandyjany moža atrymać vosiem uznaharod.
U naminacyi «Najlepšy film» pradstaŭlenyja «Apieracyja «Arho», «Adrynutyja», «Žyćcio Pi», «Linkaln» i «Meta numar adzin». U naminacyi «Vybitny brytanski film» pradstaŭlenyja «Hanna Karenina», «Adrynutyja», «Siem psichapataŭ», «007: Kaardynaty Skajfoł» i «Hatel Meryhołd: najlepšy z ekzatyčnych».
U režysiorskaj naminacyi pradstaŭlenyja Michael Chaniekie («Kachańnie»), Ben Aflek («Apieracyja «Arho»), Kviencin Tarancina («Džanha vyzvaleny»), Enh Li («Žyćcio Pi») i Ketryn Bihiełaŭ («Meta numar adzin») .
Za najlepšuju hałoŭnuju mužčynskuju rolu naminavanyja Ben Aflek («Apieracyja «Arho»), Bredli Kupier («Moj chłopiec — psich»), Denieł Dej Luis («Linkaln»), Chju Džekman («Adrynutyja») i Chaakin Fieniks («Majstar»). U anałahičnaj žanočaj katehoryi pradstaŭlenyja Džesika Čestejn («Meta numar adzin»), Maryjon Katyjar («Irža i kostka»), Dženifier Łoŭrens («Moj chłopiec — psich»), Chielen Miren («Chičkok») i Emanuel Ryva («Kachańnie»).
Za roli druhoha płana naminavanyja aktory Ałan Arkin («Apieracyja «Arho»), Chaŭjer Bardem («007: Kaardynaty Skajfoł»), Filip Siejmur Chofman («Majstar»), Tomi Li Džons («Linkaln»), Krystaf Valc («Džanha vyzvaleny «) i aktrysy Emi Adams («Majstar»), Džudzi Denč («007: Kaardynaty Skajfoł»), Sali Fiłd («Linkaln»), En Cheteŭej («Adrynutyja») i Chielen Chant («Surahat»).
Cyrymonija ŭznaharodžańnia projdzie 10 lutaha. Na minułaj cyrymonii BAFTA tryumfataram staŭ film «Artyst» Mišela Chazanavičusa.
