Пад Разанню пацярпеў катастрофу Іл-76. На борце было 10 чалавек
У Разані ўначы пацярпеў крушэнне Іл-76. Пасля падзення самалёт загарэўся. Па апошніх даных, загінулі 4 чалавекі, яшчэ 5 пацярпелі. Усяго на борце самалёта да 10 чалавек.
Ваенна-транспартны самалёт Іл-76 ляцеў з Арэнбурга ў Белгарад, у Разані прызямляўся на дазапраўку. Крушэнне адбылося адразу пасля ўзлёту. На кадрах відэа бачна, што самалёт загарэўся ў паветры.
Самалёт упаў у полі ў непасрэднай блізкасці ад прыватных жылых дамоў, у раёне Міхайлаўскай шашы.
На борце судна знаходзіліся 10 грамадзян.
«Целы двух загінулых дасталі з палаючага борта», — распавёў суразмоўца агенцтва ТАСС. Па даных крыніцы ТАСС ў экстраных службах, у выніку аварыі пацярпелі пяць чалавек.
«Адзін чалавек у стабільна цяжкім стане. Яго паднялі ў рэанімацыю, абыходзячы прыёмны пакой», — сказаў суразмоўца агенцтва.
Пазней стала вядома пра чатырох загінулых.
У Мінабароны РФ, каментуючы інцыдэнт заявілі, што самалёт выконваў вучэбна-трэніровачны палёт, грузу на яго борце не было.
Гэта ўжо трэці выпадак за тыдзень.
