life:) павышае тарыфы на свае паслугі
Мабільны аператар life:) з 15 чэрвеня павысіць тарыфы на шматлікія паслугі, у тым ліку абанплату па тарыфных планах, а таксама на роўмінг. Пра гэта кампанія паведамляе на сваім сайце.
Фота: kv.by
З 15 чэрвеня абаненцкая плата ўзрасце на многіх тарыфах. Напрыклад, на тарыфе «Голас» 2 яна стане 12,9 рубля ў месяц (цяпер — 11,9 рубля).
Абанплата на тарыфным план «Шэйк Міні» таксама павялічыцца на 1 рубель і складзе 13,9 рубля ў месяц.
Абаненцкая плата за тарыф «Усё ўключана» з 15 чэрвеня складзе 23,9 рубля.
Мяняецца таксама кошт пакетаў SMS і хвілін. Напрыклад, для 100 хвілін ва ўсе сеткі цэннік вырасце да 6 рублёў у месяц. Змяніць тарыфны план можна будзе за 3,5 рубля, а платна замяніць SIM — за 5 руб.
Таксама падаражэюць роўмінг і міжнародная сувязь.
