Знайсці
31.05.2022 / 12:58

«Гадоў праз 5-10 усюды будуць сімуляцыі». Беларуска заснавала IT-кампанію, якая стварае аватараў

Аліса Патоцкая нарадзілася і хадзіла ў школу ў Баранавічах, цяпер жыве і працуе ў Лондане. Яна — заснавальніца IT-кампаніі, якая займаецца стварэннем відэа з аватарамі, амаль неадрознымі ад сапраўдных людзей. Оnliner даведаўся ў дзяўчыны, чаму яна пайшла з навукі, кінула высокую пазіцыю ў Facebook і навошта нам віртуальныя асобы.

Аліса Патоцкая

Працавала на калайдары, хацела стаць навукоўцам, расчаравалася і пайшла ў IT

Аліса з Баранавічаў. Пасля школы паступіла ў мінскі Ліцэй БДУ, адвучылася на факультэце прыкладной матэматыкі і інфарматыкі, а таксама ў Політэхнічным інстытуце Грэнобля ў Францыі.

Пачынала працаваць распрацоўшчыцай праграмнага забеспячэння ў беларускіх кампаніях, у тым ліку каля года працавала ў Wargaming.

Потым пераехала ў Заходнюю Еўропу. Яна хацела займацца даследчай дзейнасцю, прычым марыла працаваць у лабараторыі з калайдарам. І ў яе гэта атрымалася. Хоць працавала яна над іншым праектам, але доступ да калайдара сапраўды быў.

Аднак у навуковай дзейнасці дзяўчына расчаравалася.

«У бізнэсе ўсё адбываецца больш дынамічна, патрабаванні куды больш зразумелыя», — кажа яна.

Пасля гэтага былі іншыя месцы працы, у тым ліку 4,5 года ў падраздзяленні Facebook у Лондане. Аліса працавала праграмісткай, яе задачы былі звязаныя з machine learning (машыннае навучанне).

«Мяне павысілі, у выніку я стала тэхлідам. Працавала з тэхналогіямі як дапоўненай (AR), так і віртуальнай (VR) рэальнасці, у тым ліку ў камандзе Oculus (падраздзяленне цяперашняй Meta, якое выпускае гарнітуры віртуальнай рэальнасці. — прым. Onlíner). Але зразумела, што мне трэба нешта большае. Урэшце рэшт вырашылася заснаваць кампанію», — кажа яна.

«Можна ўзяць і сімуляваць цэлага чалавека?»

Цяпер у яе кампанія Immersive Fox, дзе з дапамогай алгарытмаў штучнага інтэлекту ствараюцца відэа з генераванымі аватарамі, практычна неадрознымі ад рэальных людзей.

Удзельнікі каманды Immersive Fox

«Ідэю падаў мой сябар, уладальнік відэапрадакшн-студыі. Аднойчы ён спытаў: «Ці можна ўзяць і сімуляваць цэлага чалавека?» Спачатку я падумала: гэта наўрад ці. Але ідэя запала ў галаву», — распавядае Аліса.

У выніку яна сабрала каманду, цяпер у ёй 10 чалавек. 

Для атрымання аватара патрэбны пяціхвілінны запіс параметраў чалавека, прычым высокай якасці.

Immersive Fox працуе з бізнэсам. «Працэс выглядае прыкладна так: кампанія дасылае відэа з акцёрам, алгарытм апрацоўвае яго каля двух з паловай дзён. Пасля гэтага можна ствараць бясконцую колькасць AI-кантэнту (аrtificial intelligence — штучны інтэлект). Таксама можна змяніць голас або ў аўтаматычным рэжыме перакласці тэкст, які гучыць у роліку, на іншую мову (іх падтрымліваецца 25, у тым ліку руская)».

Для чаго бізнэсу патрэбны такі кантэнт?

«Ёсць некалькі сцэнарыяў. Напрыклад, для навучальных відэа. Цяпер мы робім курс лекцый для аднаго ўніверсітэта. Наступны варыянт — карпаратыўны кантэнт накшталт штомесячных справаздач для каманды або прэзентацый. Генераваць такія AI-ролікі, а не здымаць іх у студыі, танней, плюс гэта эканоміць час. Трэці сцэнарый — продажы. Замест адпраўлення «халодных» электронных паведамленняў тэкст канвертуецца ў відэа, атрымліваецца больш персаналізавана, канверсія вышэйшая. Апошні кейс — кліенцкія камунікацыі. Гаворка пра ролікі ў чат-ботах, дэманстрацыях прадукту кампаніі», — кажа Аліса.

Як яна бачыць, у будучыні гэта можа развіцца ў паўнавартасную сімуляцыю, уключаючы не толькі асабовую міміку, але і рухі цела.

«Бярэш чалавека, скануеш і робіш яго поўную віртуальную копію. Але рынак вельмі малады. Большасць кампаній, якія працуюць у гэтай сферы, пачалі з'яўляцца два-тры гады таму. Тэхналогія перадавая, пакуль гэтым мала хто займаецца», — распавядае дзяўчына.

У адрозненне ад метасусвету, каманда нацэленая рабіць аватары рэалістычнымі, а не анімаванымі.

«Я веру, што ўжо гадоў праз 5-10 мы наогул перастанем выкарыстоўваць камеры, а прыйдзем да сімуляцый. З імі можна дамагчыся большага.

Мой генераваны персанаж размаўляе куды выразней, чым я. І без акцэнту», — апісвае перспектывы Аліса.

У тым ліку практыкаванні. Беларусы стварылі мабільную праграму для вырашэння мужчынскіх праблем

Выпіць чарку-другую і гэтым дапамагчы экалогіі. Будзеце смяяцца, але гэта цалкам рэальна

Nashaniva.com

Хочаш падзяліцца важнай інфармацыяй
ананімна і канфідэнцыйна?

Клас
Панылы сорам
Ха-ха
Ого
Сумна
Абуральна
Каб пакінуць каментар, калі ласка, актывуйце JavaScript у наладах свайго браўзера
пїЅпїЅпїЅ пїЅпїЅпїЅпїЅпїЅ, пїЅпїЅпїЅпїЅпїЅпїЅпїЅпїЅпїЅ JavaScript пїЅ пїЅпїЅпїЅпїЅпїЅпїЅпїЅ пїЅпїЅпїЅпїЅпїЅпїЅ пїЅпїЅпїЅпїЅпїЅпїЅпїЅ, пїЅпїЅпїЅ пїЅпїЅпїЅпїЅпїЅ пїЅпїЅпїЅпїЅпїЅ пїЅ пїЅпїЅпїЅпїЅпїЅпїЅпїЅ
пїЅпїЅпїЅпїЅпїЅпїЅпїЅпїЅпїЅпїЅпїЅ...
Каб скарыстацца календаром, калі ласка, актывуйце JavaScript у наладах свайго браўзера
2021 2022 2023
ПН АЎ СР ЧЦ ПТ СБ НД
1 2 3 4
5 6 7 8 9 10 11
12 13 14 15 16 17 18
19 20 21 22 23 24 25
26 27 28 29 30 31