Палітзняволеная пенсіянерка Алена Гнаўк ужо больш за 10 дзён галадае ў СІЗА
Пра галадоўку ў СІЗА 64-гадовай пенсіянеркі Алены Гнаўк паведамілі ў Instagram яе дзеці. Паведамляецца, што галадоўку жанчына пачала з-за абмежаванняў у перапісцы.
Алена Гнаўк — пенсіянерка з Брэста, асуджаная на тры гады абмежавання волі без накіравання ў ПУАТ сумарна паводле «карагоднай» справы ў Берасці і за абразу Аляксандра Лукашэнкі.
Ужо на «хатняй хіміі» яе зноў затрымалі і змясцілі ў СІЗА. Цяпер Гнаўк абвінавачваюць па двух артыкулах Крымінальнага кодэкса Беларусі — 367 («Паклёп у дачыненні да прэзідэнта Беларусі») і 369-1 («Дыскрэдытацыя Рэспублікі Беларусь»).
Згодна з матэрыяламі справы, Гнаўк 23 лістапада 2021 года размясціла ў сацыяльных сетках Facebook і Instagram «загадзя ілжывыя звесткі аб прававым становішчы замежных грамадзян у Рэспубліцы Беларусь, што было накіравана на прычыненне істотнай шкоды дзяржаўным інтарэсам». У пастах Алена распавядала пра курдскія сем’і і становішча мігрантаў у Беларусі.
Пенсіянерцы пагражае да шасці гадоў пазбаўлення волі.
![Клас Клас](https://nashaniva.com/images/reactions/reaction-like.png)
![Панылы сорам Панылы сорам](https://nashaniva.com/images/reactions/reaction-facepalm.png)
![Ха-ха Ха-ха](https://nashaniva.com/images/reactions/reaction-smile.png)
![Ого Ого](https://nashaniva.com/images/reactions/reaction-omg.png)
![Сумна Сумна](https://nashaniva.com/images/reactions/reaction-sad.png)
![Абуральна Абуральна](https://nashaniva.com/images/reactions/reaction-anger.png)