У ЗША з інкасатарскай машыны высыпаліся тысячы даляраў — людзі кінуліся іх збіраць ВІДЭА
Газета The New York Post адзначае, што спачатку кіроўца грузавіка паспрабаваў сабраць банкноты, але затым, усвядоміўшы, што не зможа гэта зрабіць хутка, пачаў здымаць тое, што адбываецца.
Грошы пасыпаліся проста на дарогу недалёка ад горада Сан-Дыега пасля таго, як падчас руху грузавіка адкрыліся адныя з яго дзвярэй. Як паведамляе тэлеканал CNN, у выніку людзі пачалі спыняцца проста на трасе, каб збіраць купюры.
Паліцыянты прыехалі на месца здарэння толькі праз гадзіну, яны запатрабавалі ў прысутных неадкладна вярнуць грошы. Два чалавекі былі затрыманыя — іх падазраюць у прысваенні сродкаў. Многія ж паспелі ўцячы, але паліцыя мае намер іх адшукаць.
Колькі менавіта грошай было згублена ў выніку інцыдэнту ў Каліфорніі, не ўдакладняецца.
Сведкай «даляравага дажджу» стала спартсменка Дэмі Бэгбі — гэта відэа з яе інстаграма. Толькі паслухайце, колькі эмоцый выклікала гэтае здарэнне ў людзей!
