U ZŠA ź inkasatarskaj mašyny vysypalisia tysiačy dalaraŭ — ludzi kinulisia ich źbirać VIDEA
Hazieta The New York Post adznačaje, što spačatku kiroŭca hruzavika pasprabavaŭ sabrać banknoty, ale zatym, uśviadomiŭšy, što nie zmoža heta zrabić chutka, pačaŭ zdymać toje, što adbyvajecca.
Hrošy pasypalisia prosta na darohu niedaloka ad horada San-Dyjeha paśla taho, jak padčas ruchu hruzavika adkrylisia adnyja ź jaho dźviarej. Jak paviedamlaje telekanał CNN, u vyniku ludzi pačali spyniacca prosta na trasie, kab źbirać kupiury.
Palicyjanty pryjechali na miesca zdareńnia tolki praz hadzinu, jany zapatrabavali ŭ prysutnych nieadkładna viarnuć hrošy. Dva čałavieki byli zatrymanyja — ich padazrajuć u prysvajeńni srodkaŭ. Mnohija ž paśpieli ŭciačy, ale palicyja maje namier ich adšukać.
Kolki mienavita hrošaj było zhublena ŭ vyniku incydentu ŭ Kalifornii, nie ŭdakładniajecca.
Śviedkaj «dalaravaha daždžu» stała spartsmienka Demi Behbi — heta videa ź jaje instahrama. Tolki pasłuchajcie, kolki emocyj vyklikała hetaje zdareńnie ŭ ludziej!