Палітвязню Ягору Дуднікаву выставілі новае абвінавачванне. Яму пагражае да 12 год зняволення
Расіяніну Ягору Дуднікаву выставілі новае абвінавачванне па частцы 3 арт. 130 Крымінальнага кодэкса (распальванне сацыяльнай варожасці групай асоб). Яму пагражае да 12 год зняволення. Пра гэта паведамляе праваабарончы цэнтр «Вясна».
«Яны мяне амаль зламалі ў траўні, але цяпер я не дам ім гэтага зрабіць, яны мяне не зломяць!», — цытуе «Вясна» яго словы.
Ягора Дуднікава затрымалі 5 мая за тое, што ён агучваў відэаролікі і рабіў аўдыяпаведамленні ў тэлеграм-канале «ОГСБ». Тады на яго завялі крымінальную справу па ч. 1 арт. 342 Крымінальнага кодэкса (арганізацыя і падрыхтоўка дзеянняў, што груба парушаюць грамадскі парадак). У лісце з СІЗА ён расказаў пра катаванні і збіццё.
Напісаць Ягору Дуднікаву можна па адрасе: СІЗА-1, 220030, г. Мінск, вул. Валадарскага, 2.