Знайсці
11.10.2021 / 15:52

Чыжа выпусцілі пад хатні арышт і адправілі на псіхіятрычную экспертызу 

Сёння ў судзе Цэнтральнага раёна Мінска адбываецца разгляд скаргі бізнэсмэна Юрыя Чыжа, якога следства вырашыла накіраваць на судова-псіхіятрычную экспертызу. Паседжанне пройдзе ў закрытым рэжыме, гэта стандартная практыка.

Павялічыць

Юрый Чыж. Фота Сяргея Гудзіліна, «Наша Ніва»

З апісання скаргі вынікае храналогія пераследу бізнэсмэна: спачатку яго ўтрымлівалі пад вартай у СІЗА, прычым тэрмін працягваўся, пасля перавялі пад хатні арышт, затым следства вырашыла накіраваць яго на судова-псіхіятрычную экспертызу. Яе праводзяць у РНПЦ псіхічнага здароўя ў Навінках.

Павялічыць

Чытайце таксама: Затрыманы Юрый Чыж. Падрабязнасці

Зараз Юрый Чыж не ў следчым ізалятары. Па законе, калі экспертыза выявіць псіхічнае расстройства ці захворванне, па рашэнні псіхіятра чалавека могуць накіраваць у бальніцу на лячэнне, але патрабуецца згода самога пацыента (выключэнне — для недзеяздольных, за іх згоду даюць законныя прадстаўнікі).

Прымусова адправіць на лячэнне могуць толькі па рашэнні суда. Аднак зараз бізнэсоўца накіроўваюць толькі на экспертызу, якая павінна вызначыць ягоны стан. І нават гэта рашэнне ён мае права абскардзіць у судзе, што зараз і робіць абвінавачаны.

Брат Юрыя, Аляксандр, адмовіўся каментаваць «Нашай Ніве» стан здароўя бізнэсоўцы. 

Сітуацыя ў Чыжа бязрадасная — працягваецца арышт ягонай маёмасці, судовыя разбіральніцтвы і крымінальны пераслед па справах колішняй паспяховай бізнэс-імперыі.

Дапоўнена: «Сёння ў закрытым судовым пасяджэнні была разгледжана скарга на прымяненне меры стрымання ў выглядзе заключэння пад вартай. Яна пакінута без задавальнення», — паведамілі ў судзе.

Там заявілі, што ніякіх іншых скаргаў па справе бізнэсмена не разглядалася.

Чытайце таксама: Крыніцы: Чыжа кашмараць, бо лічаць, што ён схаваў мільярды, якія трэба вярнуць у Беларусь 

Арцём Гарбацэвіч

Хочаш падзяліцца важнай інфармацыяй
ананімна і канфідэнцыйна?

Каб пакінуць каментар, калі ласка, актывуйце JavaScript у наладах свайго браўзера
пїЅпїЅпїЅ пїЅпїЅпїЅпїЅпїЅ, пїЅпїЅпїЅпїЅпїЅпїЅпїЅпїЅпїЅ JavaScript пїЅ пїЅпїЅпїЅпїЅпїЅпїЅпїЅ пїЅпїЅпїЅпїЅпїЅпїЅ пїЅпїЅпїЅпїЅпїЅпїЅпїЅ, пїЅпїЅпїЅ пїЅпїЅпїЅпїЅпїЅ пїЅпїЅпїЅпїЅпїЅ пїЅ пїЅпїЅпїЅпїЅпїЅпїЅпїЅ
пїЅпїЅпїЅпїЅпїЅпїЅпїЅпїЅпїЅпїЅпїЅ...
Каб скарыстацца календаром, калі ласка, актывуйце JavaScript у наладах свайго браўзера
2020 2021 2022
верасень кастрычнік лістапад
ПН АЎ СР ЧЦ ПТ СБ НД
1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31