У Мінску судзілі блогерку, якая абгаварыла сваю сястру на YouTube
Суд вынес прысуд 49-гадовай гараджанцы, якую злавілі на паклёпе, пішуць «Мінск-Навіны».
У 2015 годзе жанчына стварыла адкрыты YouTube-канал, у якім выкладвала забаўляльныя ролікі са сваім удзелам. У яе набралася каля 1 тысячы падпісчыкаў, адміністратарам канала з'яўлялася толькі яна.
У лютым гэтага года ў мінчанкі сапсаваліся адносіны з роднай сястрой, якая пражывае ў Гродзенскай вобласці і з'яўляецца апекуном іх маці. Праз свой YouTube-канал яна стала распавядаць, што сваячка з'яўляецца дармаедкай, пазбавіла маці жылля, не забяспечвае ёй нармальны догляд, дае хабар дактарам і чыноўнікам. Гэтая інфармацыя не адпавядала рэчаіснасці.
Суд прызначыў мінчанцы пакаранне ў выглядзе штрафу ў памеры 60 базавых велічынь (1740 рублёў), а таксама канфіскаваў яе мабільны тэлефон і ноўтбук як сродкі здзяйснення злачынства. Акрамя таго, грамадзянку абавязалі выплаціць сястры 700 рублёў у якасці кампенсацыі нанесенай маральнай шкоды і яшчэ 250 рублёў, выдаткаваных на юрыдычныя паслугі.
