У Мінску з'явіцца яшчэ адзін ландшафтна-забаўляльны парк
Новы парк з'явіцца паміж вытворчай тэрыторыяй ААТ «Камволь» і мікрараёнам Лошыца.
turist.by
Пра гэта «Мінск-Навінам» паведаміў кіраўнік адміністрацыі Ленінскага раёна Раман Мельнік.
«Ужо распрацаваны горадабудаўнічы праект дэталёвага планавання ландшафтна-рэкрэацыйнай зоны ўздоўж Свіслачы ад вул. Дзянісаўскай да Чыжоўскага вадасховішча. Ён уключыць і тэрыторыю Лошыцкага сядзібна-паркавага комплексу, — распавёў Мельнік.
— У зоне праектавання размясціліся дзве экасцежкі. Адна з іх, «Срэбраны Лог», пачынаецца ад скрыжывання вул. Пляханава і Якубава працягваецца на 800 м праз зялёную зону паміж вул. Якубава і Свіслаччу да прыпынку грамадскага транспарту на рагу вуліц Якубава і Малініна. Акрамя таго, тут абсталявана яшчэ адна экасцежка «Горад птушак». Бо Срэбраны Лог — гэта ўнікальная багністая нізіна ў пойме Свіслачы, якая стала домам для многіх відаў птушак, у тым ліку і занесеных у Чырвоную кнігу».
