Знайсці
11.09.2021 / 14:41

Хочаш перамагчы трывожнасць? Вось што можа дапамагчы

Шведскія навукоўцы высветлілі, што рэгулярная фізічная нагрузка дапамагае знізіць узровень трывожнасці.

Павялічыць

Фота pixabay.com.

Скандынавы параўналі людзей, якія займаюцца хадзьбой на лыжах па перасечанай мясцовасці на доўгую дыстанцыю, з тымі, хто не практыкуе такі від спорта. Вынікі адназначныя — хадзьба на лыжах зніжае ўзровень трывожнасці больш чым на палову. Іншыя віды фізічнай актыўнасці, хутчэй за ўсё, дадуць той жа эфект, але пакуль незразумела, як гэта працуе, піша Daily Mail.

У рамках працы шведы вывучылі даныя больш чым 395 тысяч чалавек. Частка з іх займалася хадзьбой на лыжах, частка — не. Мэтай было высветліць, колькі аматараў спорту на працягу 20 гадоў атрымалі трывожныя разлады ў параўнанні з людзьмі таго ж полу і ўзросту, якія не мелі такой фізічнай актыўнасці.

Аказалася, што тыя, хто займаецца хадзьбой на лыжах, амаль на 60% больш рэдка пакутавалі ад трывожных разладаў у параўнанні з менш актыўнай групай насельніцтва. Пры гэтым жанчыны, якія паказвалі лепшыя вынікі на лыжнай гонцы, амаль у два разы часцей мелі трывожны разлад у параўнанні з менш паспяховымі спартоўкамі. Тым не менш, у гэтай групе рэспандэнтак трывога ўсё роўна сустракалася больш рэдка, чым у тых, хто ўвогуле не займаецца спортам.

Трывожныя разлады закранаюць прыкладна 10% насельніцтва ва ўсім свеце. Яны сустракаюцца ў жанчын у два разы часцей, чым у мужчын. Сама па сабе трывога — нармальная частка жыцця, але часам яна можа суправаджаць чалавека пастаянна і пры гэтым не мець аб’ектыўных прычын. Трывога можа прымушаць таго, хто на яе пакутуе, лічыць падзеі ў жыцці больш дрэннымі, чым на самой справе.

Nashaniva.com

Хочаш падзяліцца важнай інфармацыяй
ананімна і канфідэнцыйна?

Каб пакінуць каментар, калі ласка, актывуйце JavaScript у наладах свайго браўзера
пїЅпїЅпїЅ пїЅпїЅпїЅпїЅпїЅ, пїЅпїЅпїЅпїЅпїЅпїЅпїЅпїЅпїЅ JavaScript пїЅ пїЅпїЅпїЅпїЅпїЅпїЅпїЅ пїЅпїЅпїЅпїЅпїЅпїЅ пїЅпїЅпїЅпїЅпїЅпїЅпїЅ, пїЅпїЅпїЅ пїЅпїЅпїЅпїЅпїЅ пїЅпїЅпїЅпїЅпїЅ пїЅ пїЅпїЅпїЅпїЅпїЅпїЅпїЅ
пїЅпїЅпїЅпїЅпїЅпїЅпїЅпїЅпїЅпїЅпїЅ...
Каб скарыстацца календаром, калі ласка, актывуйце JavaScript у наладах свайго браўзера
2020 2021 2022
ПН АЎ СР ЧЦ ПТ СБ НД
1 2 3 4 5
6 7 8 9 10 11 12
13 14 15 16 17 18 19
20 21 22 23 24 25 26
27 28 29 30