Дуда пажадаў Зяленскаму прыехаць на наступны саміт Трымор'я ў касцюме

Анджэй Дуда і Уладзімір Зяленскі ў Вільні. 12 красавіка 2024 года.і Фота: president.gov.by

Польскі прэзідэнт, які завяршае сваю кадэнцыю ў 2025 годзе, заявіў, што для яго прыняцце саміту ініцыятывы трох мораў «з'яўляецца вельмі важным асабіста», і на ім ён чакае абмеркавання вынікаў 10 гадоў супрацоўніцтва яго ўдзельнікаў.

«Але я веру, Уладзімір, што вы зможаце прыбыць у касцюме як прэзідэнт краіны, якая больш не знаходзіцца ў стане вайны, як прэзідэнт краіны, якая вярнулася да стабільнасці і якая вярнула мір і спакой», — дадаў ён, звяртаючыся да Зяленскага.

«Гэта маё пажаданне вам ад усёй душы для ўсяго грамадства і народа Украіны. Нам вельмі патрэбны мір у гэтай частцы Еўропы. І я шчыра веру, што ён у нас будзе тады, калі мы станем мацнейшымі», — падкрэсліў Дуда.

Прэзідэнт Украіны Уладзімір Зяленскі ў чацвер прыбыў у Літву для ўдзелу ў саміце так званага Трымор'я.

У Вільні ён падпісаў яшчэ адно двухбаковае пагадненне па бяспецы ў працяг Віленскай дэкларацыі G7 аб «гарантыях бяспекі» — з Латвіяй.

Ініцыятыва трох мораў — гэта ініцыятыва, якая аб'ядноўвае 12 краін ЕС паблізу Балтыйскага, Чорнага і Адрыятычнага мораў (што і дало ёй назву).

Зяленскі з пачаткам вайны пастаянна прынцыпова з'яўляецца падчас афіцыйных візітаў у цішотцы ці кофце цёмна-зялёнага колеру, тым самым нібыта парушаючы дрэс-код.

Чытайце таксама:

Зяленскі паабяцаў разбурыць Крымскі мост падчас новага контрнаступу

Зяленскі назваў прымітыўнымі ідэі Трампа аб здачы тэрыторый у абмен на спыненне вайны

Украіна распрацавала план новага контрнаступу — Зяленскі

Nashaniva.com

Хочаш падзяліцца важнай інфармацыяй
ананімна і канфідэнцыйна? Пішыце рэдактару
«Нашай Нівы» ў ТГ

11

2

4

1

2

1