Сын былога спікера Палаты прадстаўнікоў Андрэйчанкі таксама пакідае высокую пасаду
Агульны сход удзельнікаў ухваліў рашэнне Уладзіслава Андрэйчанкі аб сыходзе з пасады генеральнага дырэктара СТАА «Мабільныя Тэлесістэмы», паведамілі ў прэс-службе кампаніі.
Уладзіслаў Андрэйчанка
«Я прыняў рашэнне аб завяршэнні працы на пазіцыі генеральнага дырэктара СТАА «Мабільныя Тэлесістэмы». Сёння — мой апошні працоўны дзень у МТС», — паведаміў Уладзіслаў Андрэйчанка.
Дагэтуль ён прысвяціў кампаніі 18 гадоў. Прыйшоўшы ў яе ў 2006 годзе, ён да прызначэння на пасаду генеральнага дырэктара ў кастрычніку 2021 года працаваў на кіраўнічых пасадах у Віцебскім і Магілёўскім філіялах.
Уладзіслаў Андрэйчанка — сын Уладзіміра Андрэйчанкі, які ажно чатыры скліканні быў спікерам Палаты прадстаўнікоў. У гэтым годзе, аднак, у дэпутаты яго не прызначылі.
Чытайце таксама:
Абралі новага старшыню Палаты прадстаўнікоў. Адзінагалосна і без інтрыгі
У Беларусі з‘явіўся шосты поўны кавалер ордэна Айчыны. Хто ён?
Абраныя сапраўдныя патрыёты, адданыя беларускаму народу — Андрэйчанка пра вынікі выбараў дэпутатаў
