Экс-прэм'ер Манголіі хітрым чынам купіў дзве раскошныя кватэры на Манхэтане, цяпер Генпракуратура ЗША хоча іх адабраць
Па даных пракуратуры, ён купіў іх на «адкаты».
Сухбаатарын Батболд. Фота: фэйсбук экс-прэм'ера Манголіі
Амерыканская пракуратура падала ў суд хадайніцтва аб канфіскацыі ў былога прэм'ер-міністра Манголіі Сухбаатарына Батболда дзвюх кватэр у цэнтры Нью-Ёрка коштам 14 млн даляраў, паведамляе Бі-бі-сі.
У пададзеных у суд матэрыялах гаворыцца, што калі Батболд быў прэм'ер-міністрам — ён займаў гэтую пасаду ў 2009-2013 гг. — кампанія, якую ён кантраляваў праз пасярэднікаў, атрымала запар на здабычу карысных выкапняў на 68 млн даляраў. Пры гэтым кампанія, якая звалася Catrison, не мела ніякага досведу ў горназдабыўной галіне,
а кіраваў ёю былы настаўнік-філолаг.
Частку атрыманых грошай Батболд, па звестках пракуратуры, патраціў на дзве раскошныя кватэры ў цэнтры Манхэтэна. У адной з іх жыў яго сын.
Сам экс-прэм'ер, цяпер дэпутат парламента Манголіі, абвяргае абвінавачанні. Асабіста супраць яго амерыканскія пракуроры абвінавачванні не вылучалі — іх пазоў тычыцца толькі кватэр.
Чытайце таксама:
У Манголіі — самая суровая зіма за паўстагоддзя. Там загінулі амаль 5 мільёнаў жывёл
«Алкаголь паўплываў на яе розум»: экс-прэзідэнт Манголіі высмеяў «даму з МЗС РФ»
