Буданаў: Атакі беспілотнікаў на расійскую інфраструктуру могуць вырасці
Цяпер, са слоў Буданава, расійскае цывільнае насельніцтва, нарэшце, бачыць рэальную карціну вайны.
Кіраўнік Галоўнага ўпраўлення разведкі Мінабароны Украіны выказаў здагадку, што атакі беспілотнікаў на расійскую інфраструктуру могуць узрасці. Ён не пацвердзіў і не зняпраўдзіў дачыненне Украіны да нападаў беспілотнікаў у Расіі, сказаўшы, што такія аперацыі «цалкам магчымыя», — заявіў Буданаў у інтэрв'ю CNN.
«Гіпатэтычна, існуе план, па якім усё гэта адбываецца. І я лічу, што гэты план уключае ўсе асноўныя аб'екты крытычнай інфраструктуры і аб'екты ваеннай інфраструктуры Расійскай Федэрацыі».
Цяпер, са слоў Буданава, расійскае цывільнае насельніцтва, нарэшце, бачыць рэальную карціну вайны.
«Яны бачаць палаючыя нафтабазы, разбураныя будынкі заводаў і фабрык… Гэта ўсё ідзе на карысць», — дадаў ён.
Поспеху украінцам у распрацоўцы і выкарыстанні гэтае зброі!